Украина президенти Владимир Зеленский америкалик ҳамкасби Дональд Трампни “тинчлик режаси”ни амалга оширишдан олдин Украинага келишга чақирди. Бу ҳақда CBS News хабар берди.
Зеленский ҳар қандай қарор қабул қилиш ва музокаралар режасини тузишдан олдин Трамп “бу ерда нима бўлаётганини тушуниши” кераклигини айтди.
Биз сизнинг позициянгизни ҳурмат қиламиз. Аммо илтимос, ҳар қандай қарор қабул қилишдан, музокаралар режаларини тузишдан олдин одамлар, тинч аҳоли, аскарлар, шифохоналар, черковлар, вайрон бўлган ёки ҳалок бўлган болаларни келиб кўринг.
Келинглар, кўринглар, кейин урушни қандай тугатиш режасини биргаликда ишлаб чиқамиз. Ким билан битим тузганингизни тушунасиз. Путин нима қилганини англайсиз, деди у АҚШ раҳбарига йўллаган таклифномасида.
Россиянинг ракета ҳужумлари ҳақида гапирар экан, Зеленский музокараларда уларга ишониб бўлмаслигини маълум қилди.
Халқимиз энг оғир, энг юқори нархни тўламоқда. Бундай оғирроқ нарх йўқ. Бизда бор барча пулимизни — молиявий жиҳатдан мавжуд бўлган ҳамма нарсани бердик. Аммо энг асосийси одамларимизнинг (ҳаётини) фидо қилдик, деди сиёсатчи.
У, шунингдек, Трамп Украинани қўллаб-қувватлаши кераклигини таъкидлади ва АҚШнинг бетараф қолмоқчи бўлаётганини нотўғри деб ҳисоблашини билдирди. Зеленский, афсуски, АҚШда Россиянинг тарғиботлари, яъни нарративлари устунлик қилаётганини қайд этди.
Бизнинг йўқотишларимиз ва азоб-уқубатларимизга гувоҳ бўлиб, русларнинг нима қилаётганини тушуниб туриб, қандай қилиб уларни тажовузкор эмас, урушни улар бошламаган деб ҳисоблаш мумкин? Бу Россиянинг ахборот сиёсати АҚШга, Америка сиёсатига ва сиёсатчиларига қанчалик катта таъсир ўтказаётганидан далолат беради, дея хулоса қилди Украина президенти.
Россиянинг Сумига ҳужумида 34 киши ҳалок бўлди
-kmtF_y-Y.avif)
Рус армияси 13 апрель куни Украинанинг Суми шаҳрига баллистик ракеталар билан ҳужум қилди. Авиазарбалар оқибатида ҳалок бўлганлар сони 34 кишига етди. Жароҳатланганлар сони 117 кишини ташкил этмоқда, улардан 15 нафари болалардир.
Биз Россияга террорчи нимага лойиқ бўлса, шундай муносабатда бўлишимиз керак... Путин Американинг ўт очишни тўлиқ ва сўзсиз тўхтатиш таклифини эътиборсиз қолдирганига 2 ой бўлди. Афсуски, Москвадагилар одам ўлдиришни давом эттиришига ҳақли эканликларига ишонмоқда. Вазиятни ўзгартириш учун ҳаракат қилиш зарур, деди сиёсатчи.
У қурбонларнинг оиласига ва яқинларига ҳамдардлик билдирди. Олий Рададан халқ депутати Маряна Безуглая зарба нишони мукофотлаш учун тўпланган украиналик ҳарбийлар бўлганини айтди. У Украина армияси бош қўмондони Александр Сирский ва ҳудудий мудофаа қўмондонига мурожаат қилиб, “фуқаролик шаҳарлари”да бундай амалиётни тўхтатишни талаб қилди ва “ахборот сизиб чиқиши” содир бўлганини айтди.
-Q7XUdNVK.avif)
Изоҳ (0)