АҚШ президенти Дональд Трамп Валтер Рид миллий ҳарбий тиббиёт марказида тўрт соат сарфлади. Тиббий кўрикдан сўнг Оқ уй раҳбари ақлий қобилият бўйича тестдан муваффақиятли ўтганини эълон қилди.
“Барча саволларга тўғри жавоб берганимни айтиб ўтишим мумкин”, деди 78 ёшли президент журналистларга берган интервьюсида. Оқ уй матбуот котиби Керолин Левитт сўнгги тиббий кўрик натижалари имкон қадар тезроқ эълон қилинишини айтди, деб хабар беради ABC News.
Президентнинг соғлиғи ҳақидаги сўнгги батафсил ҳисобот 2018 йилда чоп этилган эди. Неw Ёрк Times газетаси АҚШ сайловлари олдидан сўнгги маълумотларнинг йўқлиги тиббиёт мутахассисларини хавотирга солаётгани, чунки Трамп ёшидаги одамларда соғлиқ билан боғлиқ жиддий муаммолар бўлиши мумкинлиги ҳақида ёзган эди.
Юзага келиши мумкин бўлган жиддий муаммолар орасида мутахассислар юрак хасталиги хавфини ва ёш билан юзага келадиган когнитив қобилиятларнинг пасайишини айтиб ўтганлар.
Изоҳ (0)