Украина президенти Владимир Зеленский 19 март куни АҚШ президенти Дональд Трамп билан суҳбатда ҳозирги тўқнашув чизиғи бўйлаб урушни тугатишга қарши чиқди. Бу ҳақда The Moscow Timeс хабар берди.
Ҳудудлар, шаҳарлар, шаҳарчалар мавжуд, уларни турли алоқа линияси кесиб ўтган. Агар баъзи жойларда бу линияларни қолдирсангиз, сиз шунчаки жойлар ёки шаҳарчаларни ҳаётсиз қолдирасиз. Ҳеч ким шаҳарнинг ярмига қайтиб бормайди, деди у.
Сиёсатчи агар бу йирик шаҳарлар билан содир бўлса, унда алоқа линияси узилиши “Берлиндай” бўлишини айтди.
Президент Трампга “Биз Берлинни хоҳлаймизми, шундай шаҳарлар кўп бўлишини истаймизми?, деб очиқчасига айтдим. У Берлин девори Киев учун тўғри келмаслигини” таъкидлади, деди Украина президенти.
Шу билан бирга, у ҳудудлар масаласини можарони ҳал қилишда “энг мураккаби” деб баҳолади.
Биз бу масалада Украинани иложи борича ҳимоя қиламиз. Бироқ бу бизга жуда қийин бўлади, деди сиёсатчи.
У Трамп ҳеч қачон Украина ҳуқуқий жиҳатдан босиб олинган ҳудудларни Россияники деб тан олмаслигини тушунишини таъкидлади. Зеленский Украинада ўз ҳарбийларини жойлаштириши мумкин бўлган давлатлар борлигига ҳам тўхталди.
Чегарада бўлишга тайёр турганлар, хавфли жойларда бўлмоқчи бўлганлар, фақат денгизда ёки марказий шаҳарларда турмоқчи бўлганлар бор. Биз умумий тасаввурни ишлаб чиқишимиз керак, харитада аниқ сонли контингентга эга мамлакатлар кўрсатилиши лозим, деди у.
Зеленский Трамп билан суҳбатда ҳозирда Россия назорати остида бўлган Запороже атом электр станциясини АҚШга топшириш имкониятини муҳокама қилганини айтди. Унинг сўзларига кўра, агар Вашингтон станцияни модернизация қилишга сармоя киритиб, уни техник ходимлар билан таъминласа, Киев бундай қадам ташлашга тайёр.
АҚШ ва Украина раҳбарларининг телефон орқали мулоқоти 19 март куни, Трамп ва Путинники эса 18 март куни бўлиб ўтган эди.
Изоҳ (0)