2025 йилнинг биринчи ярмида 50 дан ортиқ инфратузилма лойиҳаси амалга оширилди, 2023–2025 йилларда LTE-трафик икки бараварга ошди.
Рақамли тафовутни қисқартириш ва инклюзив ўсишни қўллаб-қувватлаш миссияси доирасида Beeline Uzbekistan Наманган, Андижон ва Фарғона вилоятларини қамраб олган Фарғона водийси бўйлаб мобил тармоқни сезиларли даражада кенгайтирди. Фақатгина 2025 йилнинг 7 ойида оператор водийнинг энг зич аҳоли яшайдиган ҳудудларида қамров ва хизмат сифатини яхшилаш мақсадида қарийб 330 та база станциясини қурди ва модернизация қилди. Йилнинг биринчи ярмида 50 дан ортиқ йирик инфратузилма лойиҳаси якунланди.
-bQ1n4YXS.avif)
Наманган вилоятида Beeline Uzbekistan LTE қамровини нафақат шаҳарларда, балки илгари уланмаган қишлоқ ҳудудларида ҳам кенгайтирди. Эндиликда Янгиқўрғон туманидаги Ёрилган, Қораполвон, Булоқ, Навкент, Курик ва Қораянтоқ қишлоқларида Beeline Uzbekistan’нинг юқори тезликдаги мобил интернети биринчи марта ишга туширилди. Чуст ва Поп туманларини боғловчи йўл бўйида янги база станцияси қурилиб, узлуксиз алоқа таъминланди. Шунингдек, Наманган ва Чуст шаҳарларида ҳамда Косонсой, Тўрақўрғон, Чуст ва Янгиқўрғон туманларида тармоқ модернизация қилинди. Бу эса сўнгги икки йил ичида LTE’дан фойдаланишнинг сезиларли ошишига хизмат қилди.
Андижон вилоятида қамров тўққиз туманда кенгайтирилди, жумладан, Шаҳрихондаги Қумариқ маҳалласидек олис ҳудудларда замонавий рақамли хизматлар биринчи марта тақдим этилди.
Фарғона вилоятида кенг кўламли ишлар йирик шаҳарлар – Фарғона, Қўқон, Қувасой ва Марғилонда, шунингдек, ўнлаб қишлоқ ва чекка туманларда: Олтиариқ, Бағдод, Бешариқ, Бувайда, Данғара, Қува, Қўштепа, Риштон, Тошлоқ, Ўзбекистон, Учкўприк, Фурқат ва Ёзёвонда амалга оширилди. Beeline Uzbekistanънинг юқори тезликдаги мобил интернети эндиликда янги барпо этилган Экошаҳар турар жой мажмуасида ҳам мавжуд.
Олис қишлоқларда — Октом ва Арсиф (Фарғона тумани), Томоша ва Гирри (Фурқат тумани), Хонобод ва Араб (Бувайда тумани), Қият (Бешариқ тумани) — 2G/3G/4G технологияларини қўллаб-қувватловчи янги база станциялари ишга туширилди. Бу умумий қамровни таъминлаш бўйича кенг кўламли дастурнинг бир қисми ҳисобланади. Шунингдек, муҳим транспорт йўлакларида алоқа мустаҳкамланди, жумладан, яқинда қайта очилган Қўқон аэропорти ҳудудида энди йўловчилар, ходимлар ва логистика операторлари учун барқарор овозли ва интернет хизматлари мавжуд.
“Фарғона водийси нафақат Ўзбекистоннинг энг зич аҳоли яшайдиган ҳудудларидан бири, балки ўсиш, унумдорлик ва салоҳият рамзидир. Сўнгги икки йил ичида биз водий бўйлаб 1800 дан ортиқ база станциясини қурдик ва модернизация қилдик. Beeline Uzbekistanънинг тезкор мобил интернетини ўнлаб аҳоли пунктларига биринчи марта олиб келдик. Бу сармоялар алоқани ривожлантириш, рақамли инклюзивлик ва барча учун имкониятлар яратиш бўйича узоқ муддатли саъй-ҳаракатларимизни акс эттиради”, — деди Beeline Uzbekistan технологиялар ва инновациялар бўйича директор Гедиз Сезгин.
2023 йил бошидан буён Beeline Uzbekistan Фарғона водийсида умумий 1800 дан ортиқ база станциясини қурди ва модернизация қилди, шундан 1300 дан ортиғи янгиланди, 470 дан зиёди янгидан барпо этилди. LTE тармоғининг кенгайиши ҳудудда қамров ва сиғимни оширди, натижада кўпроқ аҳоли юқори тезликдаги мобил интернетдан фойдаланиш имкониятига эга бўлди.
2023 йилдан бери LTE-трафик ҳудуд бўйлаб қарийб икки бараварга ошди. Бу аҳолининг рақамли хизматларга бўлган эҳтиёжи ортаётганини ва Beeline Uzbekistanънинг мамлакатнинг энг динамик ва зич аҳоли яшайдиган ҳудудларида юқори тезликдаги барқарор алоқа тақдим этишга қаратилган стратегиясини тасдиқлайди. Тармоқ сиғимини ва тезликни ошириш учун Beeline Uzbekistan техник жамоаси Массиве МIMO технологиясини жорий қилди. Ушбу кўп антеннали ечим юқори зичликдаги ҳудудларда бир вақтнинг ўзида кўплаб фойдаланувчилар ва қурилмаларга хизмат кўрсатиш имконини беради. Бу аллақачон ўз натижаларини берди: 2024–2025 йилларда Фарғона водийсида бир фойдаланувчига тўғри келадиган мобил интернет тезлиги қарийб 50% га ошди ва ҳаттоки тиғиз соатларда ҳам барқарор, юқори сифатли алоқа таъминланмоқда.
Beeline Uzbekistan ҳақида
“Unitel” МЧЖ 2006 йилнинг 12-сентябрьидан бошлаб “Beeline Uzbekistan” савдо белгиси остида хизматлар кўрсатиб келмоқда. Beeline Uzbekistan VEON Group таркибига киради. 2024 ва 2025 йилларда “Топ Эмплоер” мақомига эга бўлди.
VEON – 150 миллиондан ортиқ алоқа хизмати мижозлари ва тахминан 120 миллион ойлик фаол рақамли фойдаланувчиларга хизмат кўрсатадиган рақамли оператордир. Дунё аҳолисининг 6% кўпроғи истиқомат қиладиган бешта мамлакатда фаолият юритаётган VEON, инсонларнинг имкониятларини кенгайтирувчи ва иқтисодий ўсишни рағбатлантирувчи технологияларга асосланган хизматлар орқали ҳаётни ўзгартирмоқда. VEON бош қароргоҳи Дубайда жойлашган бўлиб, акциялари NASDAQ биржасида сотилади. Батафсил маълумот – расмий веб-сайтда.
Beeline Uzbekistanъда 2 мингдан ортиқ ходим ишлайди. 2006 йилдан буён Ўзбекистон бозорига кириши билан VEON мамлакат телекоммуникация соҳасига 1.6 миллиард АҚШ долларидан ортиқ сармоя киритди. Beeline Uzbekistan СБнинг Ўзбекистондаги фаолияти давомида 2.1 миллиард долларга яқин солиқ тўланган.
Сайт: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
Х: @beeline_uz
LinkedIn: @beeline-uzbekistan
Реклама ҳуқуқи асосида.
Изоҳ (0)