АҚШ президенти Дональд Трамп Хитой билан “савдо уруши” ижобий якунланишига умид билдирди.
“Менимча, бу ҳолат ижобий якун топади”, деди у журналистлар билан учрашувда. Америка етакчисининг қўшимча қилишича, у “Си Цзиньпин билан доим жуда яхши муносабатда бўлган” ва уни “жуда яхши ва жуда ақлли етакчи” деб атаган.
Бундан ташқари, Трамп АҚШ доллари бугунги кунда халқаро бозорда кучли валюта бўлиб қолишига ишонч билдирди.
“Агар бирор-бир давлат доллардан фойдаланишни тўхтатаман деса, мен сизга шуни айта оламанки, доллардан фойдаланишга қайтиш учун бир телефон қўнғироғи керак бўлади”, деди у. “Менимча, доллар даҳшатли ҳолатда, у ҳар қачонгидан ҳам кучлироқ”.
Аввалроқ Оқ уй матбуот котиби Керолин Левитт Трамп Хитой билан савдо келишувига очиқ эканини айтганди. Шу билан бирга, у Американинг Хитойга нисбатан божхона тўлови ставкаси 145 фоиз даражасида қолаётганини тасдиқлади.
Трамп 2 апрель куни 185 мамлакат ва минтақадан товарларга божларни эълон қилиб, йирик савдо урушини бошлаб юборди. Хитойга нисбатан бу кўрсаткич 34 фоизни ташкил этди. Бунга жавобан Хитой 10 апрель куни барча Америка маҳсулотларига 34 фоизлик қўшимча божлар жорий қилди.
Кейин АҚШ президенти Хитой томони АҚШ билан савдо келишувига рози бўлгунга қадар Пекинга 104 фоиз тарифларни ваъда қилди. Бу қарши чораларга олиб келди: Хитой АҚШга тарифларни 84 фоизга оширди. Ўз навбатида, Трамп Хитойдан келадиган товарларга божлар зудлик билан 125 фоизгача оширилишини эълон қилди, шундан сўнг, жума куни Пекин 12 апрелдан бошлаб носимметрик жавоб чораларини эълон қилди.
Изоҳ (0)