Фильм ва сериалларда рол ижро этмай туриб, улардан мўмайгина гонорар олган актёрлар (фото)

2011 йилда Жонни Депп Эмбер Ҳёрд билан танишади. Ушбу жуфтликнинг муносабатлари бир неча йил давом этиб, 2016 йилда турмуш қурганидан сўнг, якунланади. Тез орада Эмбер Жонни унга нисбатан жисмоний зўравонлик қилгани ҳақида эълон қилади, бу эса кўплаб йирик нашрлар томонидан овоза қилиниб, натижада Деппинг карьерасига таъсир қилади. У барча ролларидан, жумладан, “Кариб денгизи қароқчилари”даги Жек Читтак ва “Жоду салтанати”даги Гринделволд ролидан маҳрум бўлади. Шуни таъкидлаш керакки, Гринделволд ролини йўқотиш унга унчалик оғир ботмайди. Киностудия унга мажбуриятларидан воз кечишни таклиф қилиб, бу учун 10 миллион доллар тўлашади, бу пулни “Дамблдор сирлари”да суратга тушганида ҳам олиш мумкин эди. Студия, агар Жонни фильмда қолса, томошабинлар томонидан танқидга учрашидан қўрқарди, лекин уни ишдан ҳайдаш мумкин бўлмагани сабабли унга шуни таклиф қила олишган, холос.

Марлон Брандо — “Жуда қўрқинчли кино-2”

“Жуда қўрқинчли кино-2” фильмида МакФилининг отаси ролини Жеймс Вудс ижро этган, аммо аслида бу ролга Марлон Брандо тасдиқланган эди. Марлон суратга олиш майдончасида фақат бир кун бўлиб, соғлиғи билан боғлиқ муаммолар туфайли деярли ҳеч нарса суратга олишолмайди. У ўзига тегишли репликаларини эслаб қололмасди, эслаб қолганларини ҳам айтишга улгурмасди. Чунки унга кислород етишмасди, шунинг учун ҳар доим танаффус қилиб, кислородли маска ​​тақиб, ўзини тиклаши керак эди. Натижада фильм директорлари Брандони мажбуран узрли тарзда четлатишади, бунинг учун студия унга 2 миллион доллар тўлайди.

Бир неча актёрлар — “Гарри Поттер ва махфий ҳужра”

“Гарри Поттер ва ҳикматлар тоши” фильмини суратга олишдан олдин Жеймс Макавой Том Реддл ролига тасдиқланади, аммо бир шарт билан. Фильм ижодкорлари ундан ташқари яна 10 га яқин актёрни ролга синаб кўради, чунки ҳали кимни танлашни билишмасди. Студия Том Реддл ролига ким кўпроқ мос келишини ҳал қилгунга қадар кейинги етти ой давомида ҳеч қаерда суратга тушмаслик шарти билан Жеймс ва, эҳтимол, бошқаларга ҳам 45 минг фунт стерлинг таклиф қилади. Жеймс бошқа актёрларни танимасди, ўзи эса бу таклифни рад этади, чунки унинг учун пулни олиб, бекорга кутиб ўтиргандан кўра ишлаш муҳимроқ эди. Том роли эса охир-оқибат Кристиан Колусонга насиб қилади.

Николас Кейж — “Supermen тирик”

1990 йилларда Николас Кейжнинг карьераси “Юзсиз”, “Ҳаво қамоқхонаси” ва “Қоя” каби фильмлар туфайли энг юқори чўққига чиққанида, у Тим Бёртон томонидан суратга олиниши керак бўлган “Superman тирик” фильмида Supermen ролига тасдиқланади. Бироқ навбатдаги суперқаҳрамон фильми ишлари чўзилиб кетади. Тимнинг тан олишича, улар тинимсиз йиғилишлар ўтказган, аммо ҳеч қандай силжиш бўлмаган ва ниҳоят, суратга олиш бошланишидан уч ҳафта олдин студия фильмни тўхтатган ва унга ажратилган бюджетни “Ёввойи, ёввойи Ғарб” фильмига берган, кейинчалик у прокатда муваффақиятсизликка учраган. Ҳар доим Supermen ролини ўйнашни орзу қилган Николас Кейж бу ролни ўйнолмаган, аммо вақт сарфлагани учун яхшигина пул олган. Турли маълумотларга кўра, унга 4 миллион доллардан 20 миллион долларгача пул тўланган ва бундай катта югур-югурга қарамай, ҳатто минимал сумма ҳам кўпчилик актёрлар гонораридан кўп.

Ҳаррисон Форд — “Ўзга сайёралик”

1982 йилда ўзга сайёраликлар ҳақида иккита машҳур фильм — “Ҳеч нарса” ва “Ўзга сайёралик” бир вақтнинг ўзида экранларга чиқди. Эътиборга лойиқ томони шундаки, “Ҳеч нарса” ўша пайтда прокат жараёнида муваффақиятсизликка учрайди. Бунинг сабаби фильмнинг ўзга сайёраликларга нисбатан тажовузкорроқ ёндашувни акс эттиргани ва “Ўзга сайёралик” фонида ноқулай вазиятда қолганди. “Ўзга сайёралик” эса ўзининг болаларбоп рейтинги туфайли анча кўпроқ томошабин тўплай олди ва оилавий фильмга айланди. “Ҳеч нарса”ни “Нью Йоркдан қочиш” фильми билан машҳур бўлган Курт Рассел ҳам қутқара олмайди. “Ўзга сайёралик”да эса аксинча, катта юлдузлар йўқ эди ва асосий актёрлар таркиби асосан болалардан иборат эди. Шунга қарамай, Спилбергнинг Голливуд машҳурлигини қўшиш имконияти бор эди. У ўша пайтда карьерасининг чўққисида бўлган Ҳаррисон Фордга мурожаат қилади ва унга эпизодик рол таклиф этди. Бироқ у билан бир нечта саҳналарни суратга олгандан сўнг, Спилберг барча суратга олинган лавҳаларни кесиб ташлайди. Стивен Ҳаррисон бутун актёрлик таркибини ортда қолдириб, томошабин фақат унга эътбор қаратишидан қўрқади.

Эрик Штолс — “Келажакка қайтиб”

Роберт Земекис “Келажакка қайтиб” фильмида Марти Макфлай ролига актёр излаётганида, Майкл Жей Фоксга мурожаат қилган, аммо у “Оилавий алоқалар” сериалида суратга тушаётгани сабабли таклифни рад этган. Студия Робертни истиқболли драматик актёр Эрик Штолсни олишга кўндирган. Эрик чиндан ҳам истеъдодли актёр эди, бироқ у Марти Макфлай ролини ҳаддан зиёд драматик тарзда ижро этади ва натижада Земекис уни ишдан бўшатишга мажбур бўлади. Студия Штолсга барибир ҳақ тўлайди, аммо бу уни унчалик хурсанд қилмайди. Чунки унинг актёрлик фаолияти эндигина бошланган эди ва у ҳақиқий юлдузга айланиш учун энг яхши имкониятини бой берганди. Шундан сўнг Роберт Земекис яна Фоксга мурожаат қилади ва у фильмда рол ўйнашга рози бўлади.