“Оскар” мукофоти кино саноатидаги энг муҳим ва нуфузли мукофотлардан бири ҳисобланади. Унинг отаси — Меtro-Golden-Mayer киностудиясининг асосчиси Луис Барт Майер ҳисобланади. Мукофот топшириш маросими ҳар йили ўтказилади.
Ҳар доим бу мукофот билан боғлиқ кўплаб воқеалар рўй берган. Масалан, баъзи машҳурлар олтин одамчани бойкот қилишган, бошқалари эса муҳим ишлар билан банд бўлиб, тантанали маросимни ўтказиб юборган.
Элизабет Тейлор
Афсонавий Элизабет Тейлор “Клеопатра”, “Қайсарнинг қуйилиши”, “Токчадаги мушук”, “Виржиния Вулфдан ким қўрқади?” каби фильмлар юлдузи бўлиб, уч марта “Оскар” мукофотига сазовор бўлган. Икки марта “Энг яхши аёл роли” номинациясида “Batterfield 8” ва “Виржиния Вулфдан ким қўрқади?” фильмлари учун, учинчи марта эса махсус мукофот (инсонпарварликка қўшган улкан шахсий ҳиссаси учун) олган.
1967 йилда, иккинчи мукофотига сазовор бўлганини билганида актриса Рихард Бартон билан турмуш қурганди. У “Виржиния” фильмида иштирок этган ва мукофотга номзод бўлган. Аммо илгари ҳам тўрт марта мукофотга номзод бўлган, лекин ҳеч қачон ғолиб бўлмаганди. Тейлор бу сафар ҳам ютқазишига ишониб, тадбирга боришни рад этади.
Актриса севимли эри билан уйда қолади, аммо кейинчалик Элизабет: “Рихард мени уйда қолишга кўндирганди”, деб айтган. Айнан шу куни у мукофотга лойиқ кўрилади.
Марлон Брандо
1973 йилда “Чўқинтирган ота” фильми мукофотлар бўйича катта ютуққа эришади — у энг яхши фильм, сценарий ва актёрлик ижроси учун “Оскар”ни қўлга киритди. Охиргиси Марлон Брандога насиб этади. Уни деярли барча аёллар севарди, эркаклар унга ўхшашни истарди, кино саноатида эса уни мураккаб, инжиқ ва айни пайтда заиф инсон сифатида таърифлашарди.
У биринчи “Оскар”ини 1955 йилда “Портда” драмаси учун қўлга киритди. Бу ҳайкалчани қабул қилиб, эшикка тиргович сифатида ишлатди. Иккинчи мукофотни эса Марлон олмади: 1973 йилда уни “Чўқинтирган ота” фильмидаги энг яхши актёр деб эътироф этишади, аммо у маросимга ҳинд либосидаги номаълум актриса — 20 ёшли Сашин Перони юборади ва у актёрнинг хатини саҳнада ўқиб беради.
Бунга маросимдагиларнинг муносабати турлича бўлади: баъзилар олқишласа, бошқалари ҳуштак чалиб, актёрни масхара қилишади.
Эминем
Рэпер мукофотдан воз кечмаган, балки маросимга ўз ихтиёри билан келмаган. Бу воқеа 2003 йилда содир бўлган. Бир йил аввал Эминем бош ролни ижро этган “8 миля” фильми экранларга чиқади, мусиқачи фильмда суратга тушишдан ташқари у учун қўшиқлар ҳам ёзади. “Лосе Ёурселф” треки учун эса унга “Энг яхши оригинал қўшиқ” номинациясида “Оскар” мукофоти берилади, аммо санъаткор бунга умид ҳам қилмаганди.
Шу боис ўша пайтда Эминем “Оскар” совриндори бўлиб уйғонишини хаёлига ҳам келтирмай, шунчаки ухлагани ётади. Айтганча, ҳайкалчани унинг ўрнига қўшиқ ҳаммуаллифи Луис Ресто қабул қилган.
Пол Ньюман
Америкалик актёр ва режиссёр 11 марта “Оскар” мукофотига номзод қилиб кўрсатилган. Уларнинг саккизтаси энг яхши эркак роли номинациясида эди. Пол “Кинематографиядаги ажойиб хизматлари учун”, “Жин Херсолт мукофоти” ва ниҳоят, 1987 йилда “Пулнинг ранги” фильмидаги Эдди Фелсон роли учун “Энг яхши эркак роли” номинацияларида ғолиб бўлади.
Нюман узоқ вақт давомида ўз мақсадига интилди, аммо ғолиб деб топилганида маросимга келмайди. У Associated Press агентлигига берган интервьюсида бу ҳақда шундай дейди:
Вафотидан бир йил олдин, 2007 йилда, актёр аввалги формасини йўқотганлиги сабабли кинематографияни тарк этишини эълон қилади.
Кетрин Хепберн
Америка кино институти Кетрин Хепбернни Голливуд тарихидаги энг буюк актриса деб тан олган. У тўрт марта “Оскар” мукофотига сазовор бўлган ва “Энг яхши актриса” номинациясида актёрлар ўртасида мукофотлар сони бўйича рекордчи бўлган.
У биринчи марта 27 ёшида “Эрта келган машҳурлик” фильмидаги провинциялик актриса Эва Лавлейс образи учун мукофотга сазовор бўлади. Шундан сўнг “Биласанми, тушликка ким келади?”1968 йил, “Қишда шер” 1969 йил ва “Олтин кўлда” 1982 йил фильмларидаги роллар учун мукофотлар топширилади. Шунга қарамай, 66 йиллик фаолияти давомида у ҳеч қачон тақдирлаш маросимига келмаган.
У фақат 1974 йилдагина продюсер Лоуренс Вайнгартенга “Ирвинг Талберг” мукофотини топшириш учун тантанали маросимга ташриф буюради.
Изоҳ (0)