Мазкур актёрларни нафақат шоу-бизнес соҳасидаги ҳамкасблик, балки кутилмаган ва ҳайратланарли алоқалар боғлаб туради.
Тимоти Шаламе, Микки Рурк, Патрик Демпси, Брюс Уиллис ва Самуэл Л. Жексон
Нью Йоркда “Манхеттен Плаза” деб номланган турар жой мажмуаси бор. Бино Федерал ҳукумат томонидан субсидияланади, бироқ бунинг эвазига ижарачиларнинг камида 70 фоизи санъат соҳасига оид кишилар бўлиши керак. Турли вақтларда “Манхеттен Плаза”да таниқли драматурглар, бастакорлар, комедиячилар, мусиқачилар, қўшиқчилар, фотограф ва актёрлар яшаб келган. Актёрлар орасида Тимоти Шаламе, Дилан Бейкер, Патрик Демпси, Жанкарло Эспозито, Терренс Ховард, Жеймс Эрл Жонс, Ал Пачино, Микки Рурк ва Кристиан Слейтер яшаган. Аммо улар фақат яшабгина қолмай, балки баъзилар бу ерда ишлашган ҳам. Масалан, Семуел Л. Жексон актёрлик фаолиятини энди бошлаган даврда “Манхеттен Плаза”да қўриқчи бўлиб ишлаган, Брюс Уиллис эса бино яқинидаги кафе барида бармен бўлган.
Эд Ширан ва Жейми Фокс
Эд Ширан актёр бўлмаса ҳам, кино ва телевидениега яқиндан алоқадор. У ўзини ўзи ижро этган ролларидан “Брижет Жонс 3” ва “Учрашувга яроқсиз” фильмларида иштирок этган. Шунингдек, у “Тахтлар ўйини" ва “Юлдузлар жанги: Скаюокернинг юксалиши”да кичик ролларда пайдо бўлган. Бундан ташқари, Эд ўз фаолиятининг дастлабки даврида таниқли Голливуд актёридан ёрдам олган. 2010 йилда Ширан мусиқий индустрияни забт этиш мақсадида Лос-Анжелесга келган, бироқ бу унга осонликча насиб этмаган. У Жейми Фокснинг радиошоусида чиқиш қилади. Фокс ёш мусиқачининг аҳволидан хабардор бўлгач, унга уйида яшашни таклиф қилади. Эд Жейминикида олти ҳафта яшаб, ўзини тиклаб олади ва дастлабки томошабинларини йиға бошлайди.
Дензел Вашингтон ва Чедвик Боузман
-iLyknWij.png)
Чедвик Боузман спортчи бўлиш учун яхши имкониятга эга эди, чунки коллежда ўқиётганда уни баскетбол жамоасига қабул қилишганди. Бироқ Чедвик санъатни танлаб, бу таклифдан воз кечади. 90 йилларда у Вашингтондаги Говард университетига ўқишга кирган, лекин университетга бориш учун пули бўлмаган. Пул етишмаслиги фақат Чедвикнинг эмас, балки бошқа курсдошларининг ҳам муаммоси эди. Говарддаги актёрлик ўқитувчиси Филисиа Рашад уларга ёрдам бериш учун актёр дўстларига мурожаат қилиб, қашшоқ талабалар гуруҳига маблағ ажратишни илтимос қилади. Натижада Чедвик ҳамда унинг курсдошлари Вашингтонга йўл олишади.
Бир неча йилдан сўнг, Чедвик санъат бакалаври даражасини қўлга киритади, шундан кейингина унинг ҳомийларидан бири актёр Дензел Вашингтон эканини билиб қолади. Чедвик Дензелга миннатдорлик хати юборади, афтидан хат етиб бормайди, чунки Дензел ҳеч қандай жавоб бермайди. Кейинроқ Чедвикда Дензелга шахсан миннатдорлик билдириш имконияти бўлади, аммо у бундан воз кечади, чунки Дензел уни раҳми келиши ёки карерасини ривожлантириш учун яна пул сўраяпти деб ўйлайди, деб хавотирланади. Бу сирни Чедвик йигирма йилча сақлайди ва уни фақат катта юлдуз бўлиб, Дензел уни тўғри тушунишини англаганидагина айтади. Дензел билан учрашганда, Чедвик унга бу ҳикояни айтиб беради, шунда Дензел ҳазил қилиб: “Ҳа, демак шунинг учун мен бу ерда эканман-да. Менда қарзинг бор! Мен уни олиш учун келдим!” дейди.
Педро Паскал, Сара Полсон ва Вуди Харрельсон
-b-ZNezXL.png)
Педро Паскал ва Сара Паулсон бир неча сериалда бирга суратга тушган, лекин уларнинг ўзаро муносабатлари фақат иш билан чекланиб қолмайди. Улар қадрдон дўстлар бўлиб, бир-бирлари билан суратга олиш майдонида эмас, балки кинотеатрда фильм томоша қилиш жараёнида танишган. Педро ва Сара умумий дўстлари орқали танишган, лекин уларнинг дўстлиги тасодифан бошланган. Паркда сайр қилиб юрганларида, улар “Оқ танлилар сакрай олмайди” фильмидаги роли билан танилган Вуди Харрельсонни кўриб қолишади. Уларнинг гуруҳида саккиз киши бўлишига қарамай, фақат Паскал ва Паулсон Харрельсонни таниган. Педро “Бизлардан биримиз” ва “Тахтлар ўйини” сериаллари орқали танилган бўлса, Сара “Американча даҳшатли ҳикоялар” орқали машҳурликка эришган.
Вернер Ҳерцог ва Хоакин Феникс
-dJbBfcic.png)
Бир қараганда Вернер Ҳерцог ва Хоакин Феникс орасида ҳеч қандай боғлиқлик йўқдек туюлиши мумкин, лекин бу ҳақиқатдан йироқ. 2006 йилда “Гладиатор” ва “Чизиқни кесиб ўт” фильмлари билан танилган Хоакин автоҳалокатга учрайди ва машинаси ағдарилиб кетади. Бир неча сония ўтмай, у ойнасига бир киши тақиллатиб, “Ўзингни бўш қўй” деганини эшитади. Бу Вернер Херцог эди. У Хоакинга ёрдам беради, унинг ҳолатини текширади ва Хоакинни ҳайратда қолдирган тарзда, шунчаки кетиб қолади, уни ағдарилган машинаси билан ёлғиз қолдиради.
Тимоти Шаламе ва Энсел Элгорт
Нью Йоркда юлдузли “Манхеттен Плаза”дан ташқари, машҳур “ЛаГуардиа” ўрта мактаби ҳам бор. Турли даврларда кўплаб санъаткорлар шу ерда таҳсил олишган, аммо фақат Тимоти Шаламе ва Ансел Элгорт нафақат бир пайтда ўқиган, балки бир-бирлари билан тез-тез тўқнаш келишган. Улар бир баскетбол жамоасида ўйнашган, кўпинча бир хил театр роллари учун рақобат қилишган ва бир хил ўқитувчилардан сабоқ олишган. Уларнинг кино йўллари бир оз фарқланган бўлса-да, Тимоти ва Ансел ҳамон алоқада бўлиб, бирга баскетбол ўйинларига боришни давом эттиришади.
Изоҳ (0)