Janubiy Koreya kino va drama sanoati bugungi kunda global miqyosda katta muvaffaqiyat qozonib, “Hallyu” koreys to‘lqini orqali butun dunyo tomoshabinlarini o‘ziga rom etmoqda. Osiyolik aktrisalar nafaqat mahoratli ijrolari, balki o‘z biznesi, reklama shartnomalari va boshqa faoliyatlari orqali katta boylik orttirganlari bilan ham diqqatga sazovor. Ushbu reytingda 2024-yil yakunlariga ko‘ra, Janubiy Koreyaning eng boy aktrisalari kimlar ekanini ko‘rib chiqamiz.
10. Xan Chji Min — 25 million dollar
Janubiy Koreyaning taniqli aktrisasi Xan Chji Min faoliyatini “Hammasi joyida” va “De Jan Gim” filmlaridagi kichik rollardan boshlangan. 2005-yilda u mamlakatdagi eng mashhur seriallardan biriga aylangan “Tirilish” dramasida ilk bor bosh rolni ijro etgan.
Xan Chji Min o‘z ishi uchun olgan gonorarlarining katta qismini Shimoliy Koreya va Osiyoning rivojlanayotgan mamlakatlaridagi bolalar ta’limini moliyalashtirishga xayriya qiladi. 2012-yilda u Birlashgan Millatlar Tashkilotining Atrof-muhit xavfsizligi dasturining ezgu niyat elchisi faxriy unvoni bilan taqdirlangan.
2018-yilda Xan Chji Min “O‘ta boy osiyoliklar” filmida rol o‘ynadi va loyiha haqiqiy xitga aylandi.
9. Kim Yu Chjon — 25 million dollar
Yu Jon 2017-yilda Forbes jurnalining “Koreyaning eng nufuzli mashhurlari” ro‘yxatida 8-o‘rinni egallab, ushbu ro‘yxatdagi eng yoshi (17 yosh) bo‘ldi.
2016-yil avgust oyida Kim Yu Chjon “Oy nuridagi muhabbat” tarixiy dramasida o‘zining birinchi bosh rolini oldi. Loyiha o‘z mamlakatida xit bo‘lib, eng yuqori auditoriya reytingi 23,3% ga yetdi va uning mashhurligi “Oy nuri sindromi” deb nomlandi.
Shuningdek, aktrisa “Millat singlisi” unvoniga ham ega bo‘lgan. Tarixiy rollari uchun Janubiy Koreyadagi tarixiy dramalar ramziga aylangan. Koreyadagi ko‘plab qizlar aktrisani taqlid qilish uchun namuna sifatida qabul qilishadi.
8. Kim Txe Xi — 29 million dollar
Kim Txe Xi mashhur koreys dramalarda o‘zining kuchli rollari bilan e’tirof etilgan taniqli aktrisa. 2000-yillarning boshida u Seulda yashab, reklama agentining e’tiborini tortgan va unga model sifatida ishlashni taklifini olgan. Filmda debyut qilishdan avval aktrisa televideniye reklamalari va bosma reklamalarda paydo bo‘lgan. Uning birinchi roli 2001-yilda namoyish etilgan “So'nggi sovg‘a” melodramasida bo‘lgan.
2015—2020-yillarda tanaffus olgan va qo‘shiqchi Bi Reyn bilan turmush qurib, va ikki farzand ko‘rgan. So‘ng oilaviy hayotga e’tibor qaratgan aktrisa 2020-yilda "Salom, onajon!" dramasi bilan qaytgan.
Hozirda Kim Txe Xi eng ko‘p maosh oluvchi koreys aktrisalaridan biri bo‘lib qolmoqda.
7. Chxve Ji U — 30,5 million dollar
“Qish sonatasi”dagi Yujin obrazi orqali mashhurlikka erishgan aktrisa Chxve Ji U mamlakatidagi eng go‘zal ayollardan biri sifatida tan olingan. Uning iste’dodi va mahorati “Go‘zal kunlar” (2001), “Qish sonatasi” (2002) kabi turli melodramalardagi rollari tanqidchilar tomonidan yuqori baholangan.
2024-yilda Chxve Ji U Koreyadagi eng ko‘p maosh oluvchi aktrisalardan biri bo‘lib qolmoqda.
6. Chon Jchi Xyon — 31 million dollar
Janubiy Koreyaning mashhur aktrisa va model Chon Jchi Xyon mana bir encha yillardan beri Koreyadagi eng ko‘p maosh oluvchi aktrisalar reytingida yuqori pog‘onalarni egallab kelmoqda. U “Mening qaysar sevgilim” (2001) romantik komediyasidagi roli orqali mashhurlikka qadam qo‘ygan. Faoliyati davomida u tomoshabinlar olqishiga sazovor bo‘lgan bir qancha tarixiy dramalarda rol o‘ynagan. 2017-yilda Forbes Chon Jchi Xyonni Koreyadagi eng nufuzli mashhurlar ro‘yxatiga kiritgan.
5. Pe Syu Zi — 35 million dollar
Pe Syu Zi “Miss A” qizlar guruhining a’zosi edi, 18 yoshida u “Arxitekturaga kirish” filmida o‘zining badiiy filmida debyut qildi. Guruhni tark etgach, Pe Syu Zi qo‘shiqchi sifatida yakkaxon karyerasini davom ettirdi va keyinchalik aktrisalikka e’tibor qaratdi.
2014-yil may oyida Syu Zi “Gul ohangi” (2015) filmida rol o‘ynadi va aktrisalik qobiliyatini ham namoyon etdi. So‘ng “Yulduzlardan kelgan odam”, “Toki uyquda ekansiz”, “Telba oshiqlar” kabi dramalaridagi rollari bilan tomoshabinlar yodida qolgan.
“Gu oilasi haqiqda kitob” tarixiy seriali uning karyerasidagi haqiqiy yutuq bo‘ldi: mazkur rol unga Forbes Power Celebrity 40 reytingida uchinchi o‘ringa chiqishiga sabab bo‘ldi. Su Jining muxlislari uning ona shahrida aktrisa nomidagi kichik muzeyni tashkil qilishgan.
4. Ko Xyon Chjon — 38 million dollar
Ko Xyon Jon 1989-yilda “Koreya go‘zali” tanlovida kumush medalni qo‘lga kiritgandan so‘ng kinoda karyerasini boshladi. Bugungi kunga qadar u 17 ta loyihada, jumladan, “Qum soati”, “Prezident xonim” va “Qirolicha Sondok” kabi dramalarda ishtirok etgan. Xyon Jong 53 yosh bo‘lishiga qaramay, jismonan baquvvat va yosh ko‘rinadi.
1995 yilda turmush qurgach, Go aktyorlik faoliyatini yakunladi, lekin ajrashganidan keyin 2003-yilda kinoga qaytdi. Hozirda Ko Xyon Jon eng ko‘p maosh oluvchi aktrisalardan hisoblanadi. Shuningdek, o‘zining kiyim-kechak, poyabzal va sumkalar sotiladigan brendini hamda kosmetika liniyasini boshqaradi.
3. Son Xe Gyo — 42 million dollar
Janubiy koreyalik 38 yoshli aktrisa Son Xe Gyo mamlakatdagi eng ko‘p maosh oluvchilardan biri hisoblanadi. Televizion dramalardagi bosh rollari orqali Osiyoda mashhurlikka erishdi. 2017-yilda u Forbes’ning Korea Power Celebrities ro‘yxatida yettinchi, 2018-yilda esa oltinchi o‘rinni egallagan.
U “Kuz ertagi”, “Taqdir o‘yini”, “Oila”, “Bu qishda shamol esadi”, “Quyosh avlodlari” serialidagi bosh rollari bilan tanilgan. Aktrisa “Kuz ertagi” filmidagi roli uchun SBS Drama Awards’da “Eng yaxshi aktrisa” va “Baeksang Arts” mukofotini qo‘lga kiritgan. 2022-yilda esa u “Mashhurlik” teleserialida rol o‘ynagach, Koreyaning yetakchi aktrisalaridan biri sifatidagi maqomini mustahkamlagan.
Hozirda u 2024-yilning eng badavlat koreys aktrisalari orasida ikkinchi o‘rinni egallab turibdi.
2. Ayyu — 50 million dollar
Ayyu taxallusi bilan tanilgan Li Chji In 31 yoshli xonanda va aktrisa bo‘lib, musiqiy karyerasini 15 yoshida “Lost and Found” debyut albomi bilan boshlagan. U Janubiy Koreyaning yirik Mnet Asian Music Awards marosimida bir nechta musiqiy mukofotlarga sazovor bo‘lgan. Li Chji In o‘zining musiqiy va aktyorlik karyerasini muvaffaqiyatli birlashtira olgan.
Ayyu aktrisalik faoliyatini 2011-yilda boshlagan. U “Orzu”, “O‘rtakashlar”, “Qirmizi yurak”, “Prodyuserlar” kabi film va seriallarda rol o‘ynagan. So‘nggi yillarda u bosh rolni o‘ynagan “Alvon Koryo”, “Mening janobim” teleseriali tufayli uning mashhurligi sezilarli darajada oshdi.
2019-yilda Forbes ma’lumotlariga ko‘ra Janubiy Koreyaning eng nufuzli mashhurlari ro‘yxatida 4-o‘rinni egalladi. O‘sha yili Forbes uni turli xayrli ishlarga 800 ming dollar xayriya qilgani uchun “Ezgulik qahramoni” deb atagan. Ayyu o‘zi va boshqa san’atkorlar uchun 50 dan ortiq qo‘shiq yozgan. O‘z musiqa maktabini ochishni orzu qiladi.
1. Li Yong E — 55 million dollar
Li Yong E taniqli aktrisa va modeldir. Uni vatandoshlari “millat yuzi” deb atashadi. O‘z karyerasini 90-yillarda reklama roliklari bilan boshlagan Li keyinchalik ko‘plab muvaffaqiyatli loyihalarda — “Sevgi va nikoh”, “Ota” va boshqa dramalarda ishtirok etdi. Aktrisa 2000-yilda “Birlashgan xavfsizlik hududi” harbiy dramasi va “Saroy javohiri” tarixiy dramasida ishtirok etganidan so‘ng shuhrat qozondi.
2024-yilda Li Yong E eng badavlat koreys aktrisasi deb tan olindi. 2004-yilda UNICEF ezgu niyat elchisi bo‘ldi va o‘shandan beri aktrisa xayriya ishlarida faol ishtirok etib, turli tadbirlarni uyushtirib kelmoqda.
Izoh (0)