Жанубий Кореянинг энг бадавлат актёрлари (фото)

Қуйида 2024 йилда Кореянинг энг бой еттита актёр ва актрисалари рўйхатини тақдим этамиз.

1. Ким Су Хён

Кўплаб мукофотларга сазовор бўлган 36 ёшли актёр Ким Су Хён “Кўз ёшлар қироличаси” (2024) сериали чиқишидан олдин ҳам машҳур ва бутун дунёда танилган эди. Актёрлик карьерасидаги уч йиллик танаффусдан олдин у бир нечта бошқа машҳур сериалларда, жумладан, “Орзулар” (2011), “Ой қучоғидаги қуёш” (2012), “Юлдузли одам” (2013), “Телба, лекин ҳаммаси жойида” (2020) ва “Оддий бир кунда” фильмларида рол ўйнаган.

Бир эпизод учун тахминий иш ҳақи: 423 000 доллар

2. Ли Чон Же

Ли Чон Же Жанубий Корея киносаноатида янги актёр эмас, лекин айнан “Калмар ўйини” (2021) триллери унга оламшумул шон-шуҳрат олиб келди. У тезда талабгир актёрга айланиб, брендлар у билан шартнома имзолай бошлади. Унинг ўзи энг яхши рол учун бир нечта халқаро мукофотларни қўлга киритиб, тарихга кирди. 

Бир эпизод учун тахминий иш ҳақи: 248 000 доллар

3. Сон Жун Ки

Сон Жун Ки “Яхши йигит” (2012), “Қуёш авлодлари” (2016), “Асдал йилномалари” (2019), “Винченсо” (2021) ва “Магнатнинг кенжа ўғли” (2022) каби машҳур сериаллар орқали таниш. 2012 йилдан бери у олти марта Forbes Кореа журналининг “40 та энг нуфузли машҳурлар” рўйхатига киритилган ва тўрт марта энг яхши ўнталикка кирган.

Бир эпизод учун тахминий иш ҳақи: 228 500 доллар

4. Сон Хе Гё

Сон Хе Гё 2000 йилларнинг бошидан бошлаб экранларда пайдо бўла бошлади. У “Куз эртаги” (2000), “Тўлиқ уй” (2004), “Бу қиш шамол эсади” (2013), “Қуёш авлодлари” (2016) ва “Boyfriend” (2018) фильмларидаги бош роллари билан дунё бўйлаб машҳурликка эришди. 2022 йилда актриса “Шуҳрат” сериалида рол ўйнади, бу Netflix тарихидаги энг яхши ўнта инглиз тилида бўлмаган сериаллар қаторига кирди.

Бир эпизод учун тахминий иш ҳақи: 163 000 доллар

5. Чон Чжи Хён

Чон Чи Хён бутун дунёда шов-шувга сабаб бўлган ва Корея киносида катта ютуқ бўлган “Бадфеъл қиз” (2001) романтик комедиясидаги роли туфайли машҳурликка эришди. У, шунингдек, “Юлдузли одам” (2013), “Мовий денгиз афсонаси” (2016), “Қироллик: Шимолдаги Ашин” (2021) ва “Чирисан” (2021) каби машҳур сериалларда рол ўйнаган.

Бир эпизод учун тахминий иш ҳақи: 163 000 доллар

6. Ли Ён Э

Ли Ён Э 2003 йилда чиқарилган ва маданият ва туризмга сезиларли таъсир кўрсатган “Сарой жавоҳири” тарихий сериалидаги роли туфайли машҳур бўлди. 2006 йилда у актёрлик фаолиятини якунлаганини эълон қилганига қарамай, 2017 йилда “Саимдан — ёруғлик кундалиги” сериалида суратга тушади. Табиий гўзаллиги билан танилган Ли кейинчалик “Инспектор Гу” (2021) ва “Устоз: Ҳақиқат торлари” (2023) сериалларида бош ролларни олди.

Бир эпизод учун тахминий иш ҳақи: 160 000 доллар

7. Хён Бин

Муваффақияти халқаро миқёсда “Ҳаллю”нинг бош юлдузи мақомини мустаҳкамлаган Хён Бин биринчи марта “Менинг исмим Ким Сам Сун” (2005) сериалидаги роли туфайли кенг шуҳрат қозонди. Бундан ташқари, у “Сирли боғ” (2010), “Алгамбра хотиралари” (2018) каби шов-шувли сериалларда ва Корея кабел телевидениеси тарихидаги энг юқори рейтингли корейс сериалларидан бири бўлган “Муҳаббатнинг фавқулодда қўниши” (2019) да рол ўйнаган. Авлодимизнинг энг кўп маош оладиган актёрларидан бири бўлиб, у кинода рол ўйнашда давом этмоқда, уларнинг охиргиси “Харбин” (2024) фильми эди.

Бир эпизод учун тахминий иш ҳақи: 113 000 доллар