“Калмар ўйини” сериалида ўйинчиларни ёлловчи сирли шахс образини гавдалантирган актёр Кон Ю сериалнинг иккинчи мавсумидан сўнг миллионлаб томошабинларнинг эътиборига тушди. Гарчи актёр “Калмар ўйини”да кичик эпизод ролини ўйнаган бўлса-да, унинг образи кўпчиликнинг хотирасида қолди.
Актёр эндиликда Netflix стриминг платформасининг яна бир лойиҳасида суратга тушади. Ҳозирча “Шоу-бизнес” номини олган лойиҳада 60-80 йиллардаги корейс шоу-бизнес ва маданият оламининг кескин ва қаттиққўл сиёсати ҳақида ҳикоя қилинади. Унда бош ролларни Конг Ю ва “Қуёш авлодлари” сериали юлдузи Сон Хе Гё ижро этади.
43 ёшли актриса оғир болалик даврини бошидан кечирган, матонатли аёл Мин Жи ролини ижро этади. У ҳаёт йўлида корейс мусиқа саноатида имконият борлигини англагач, шу соҳада ишлашга уриниб кўради. Актёр Конг Ю унинг болаликдаги дўсти Донг Гу ролини ўйнайди. У муҳим ижтимоий масалаларга бағишланган теледастур яратиш учун курашган радиопродюсер образида намоён бўлади.
Шунингдек, драмада мамлакатдаги маданий ва иқтисодий ўсиш даври, шунингдек, санъат ва телевидение соҳасидаги ўзгаришлар, парда ортидаги ўзига хос қийинчиликлар ёритилади.
Лойиҳани суратга олиш ишларини 2025 йилнинг биринчи ярмида якунлаш режалаштирилган. Сериал Netflix’да 22 қисмли драма форматида намойиш этилиши устида музокаралар олиб борилмоқда.
Изоҳ (0)