Дорамалар 1990 йилларда кенг тарқала бошлаган корейс сериаллари ҳисобланади. Корейс сериалларида очиқ-ойдин саҳналар йўқ, қаҳрамонлар модел каби, сюжетлар эса шунчалик хилма-хилки, ҳар бир томошабин ўзига ёқадиган ҳикояни топиши мумкин.
1. “Руҳлар кимёси”
- 2022
- Икки фасл, 30 қисм
- Режиссёр: Парк Чун Хва
- Актёрлар: Жеон Со Мин, Ли Чже Вук, Ко Юн Жунг, Хван Мин Хён, Шин Сеунг Хо
- IMDb: 10 дан 8,8
- МйShowс: 5 дан 4,7
Хаёлий Дехо мамлакатида айрим сеҳргарлар одамларнинг руҳларини алмашинтиришда ғайритабиий усулдан фойдаланади. Бу тақиқланган қора жоду бўлиб, уни қўллашга жуда оз кишиларгина журъат этади. Бир куни буюк жангчи аёл Нок Су руҳи заиф қиз Му Док I (Чон Со Мин) танасига кўчиб ўтади. Энди у янги қиёфада яшаб қолиши керак бўлади.
2. “Ғайриоддий ҳуқуқшунос”
- 2022
- 1-мавсум / 16 қисм
- Режиссёр: Ю Ин Шик
- Актёрлар: Пак Ин Бин, Кан Тхе О, Кан Ги Ён, Чон Бе Су
- IMDb: 8,7/10
- МйShowс: 5 дан 4,68
У Ён У (Пак Ин Бин) Аспергер синдромига чалинган: у юқори IQ ва ажойиб хотирага эга, аммо қиз оддий мулоқотга мутлақо мослашмаган. Ён Унинг хатти-ҳаракатларини атрофдагилар кўпинча тушунмайди. Шунга қарамай, у йирик фирмада адвокат бўлиб ишлайди, у ҳамкасблари ва мижозлари билан келишиб ишлашга ҳаракат қилади.
3. “Қуёш авлодлари”
- 2016
- 1-мавсум / 16 қисм
- Режиссёрлар: Ли Ин Бок, Пек Сан Хун, Ю Жонг Сон
- Актёрлар: Сон Жун Ки, Сон Хе Гё, Чин Гу, Ким Жи Вон
- IMDb: 8,2/10
- МйShowс: 5 дан 4,65
Махсус кучлар аскари Ё Ши Жин (Сонг Жунг Ки) ва унинг сафдоши дам олиш кунларида скутер ўғирланишининг олдини олади. Ўғри ўйинчоқ автоматнинг пластик ўқлари билан зарарсизлантирилиб, касалхонага жўнатилади, бироқ у Ши Жиннинг дўстидан телефонини ўғирлаб кетади. Йўқолган аскарни қидириб улар касалхонага боради, у ерда бош қаҳрамон доктор Канг Мо Еон (Сонг Хе Кё) билан учрашади.
Сериалнинг аксарият қисми афсонавий Урук мамлакатида бўлиб ўтади, у ерда асосий қаҳрамонлар БМТ тинчликпарвар миссияси билан бирга бўлишади. Ҳарбий дорама актёр Сон Жун Ки учун икки йиллик ҳарбий хизматдан кейинги биринчи лойиҳа бўлди.
4. “Алвон юраклар”
- 2016
- 1-мавсум / 20 қисм
- Режиссёр: Ким Гю Тхе
- Актёрлар: Ли Жи Ин, Пён Бекхён, Ли Жун Ги, Кан Ха Нил
- IMDb: 10 дан 8,6
- МйShowс: 5 тадан 4,63
Го Ха Жин (Ли Жи Ин) жуда бахтсиз — йигити унга хиёнат қилади ва кўплаб қарзларини ҳам унга юклайди. Қиз оғир ҳаёти ҳақида ўйлар экан, кичкина боланинг чўкаётганини кўриб қолади. Ха Жин унга ёрдамга югуради. У болани қутқаради, лекин қуёш тутилиши бошланиши биланоқ қизни сув тортиб кетади. Хо Жин ғалати жойда ўзига келади: маълум бўлишича, у 941 йилда Корё қироллиги даврида пайдо бўлган.
“Алвон юраклар” (бошқа номи “Ойдин ошиқлар”) — ҳозирги замон қаҳрамони ўтмишга тушиб қолгани ҳақидаги сериал. Томошабинлар Ха Жин нигоҳи билан давр урф-одатлари, одоб-ахлоқ қоидалари ва меъёрлари билан танишади. Тарих, айниқса, К-поп мухлисларини қизиқтиради: унда машҳур қўшиқчи Ли Жи Ин (Ю тахаллуси билан машҳур) ва ЭХО ва СуперМ гуруҳи аъзоси Пён Бекхён иштирок этган.
5. “Сен ухлаётганингда”
- 2017
- 1-мавсум / 32 қисм
- Режиссёрлар: О Чхун Хван, Пак Су Жин
- Актёрлар: Ли Жон Сок, Пе Су Жи, Ли Сан Ёп, Ко Сон Хи
- IMDb: 10 дан 8,3
- МйShowс: 5 тадан 4,6
“Сен ухлаётганингда” оддий романтик дорама сифатида бошланади: ёқимтой қиз, сирли йигит ва ноодатий танишув тарихи. Фақат шундан кейингина сериал янги босқичга кўтарилади. Маълум бўлишича, келажакнинг олдини олиб бўлмайди ва башоратли тушлар ҳар доим ҳам яхши бўлавермайди. 2017 йилда сериалдаги бош рол ижрочиси Пе Су Жи нуфузли Асиа Артист Awards мукофоти бўйича йилнинг энг яхши актрисаси бўлди.
6. “Гоблин”
- 2016-2017
- 1-мавсум / 16 қисм
- Режиссёр: Ли Ин Бок
- Актёрлар: Кон Ю, Ким Го Ин, Ли Дон Ук, Ю Ин На, Юк Сон Же
- IMDb: 10 дан 8,6
- МйShowс: 5 тадан 4,59
Ҳалок бўлган генерал Ким Шин (Кон Ю) руҳи қайта тирилиб, ўлмас токкеби жинига айланади. У ҳаммадан узоқ яшашга, севганлари ва яқинларининг ўлимини кўришга маҳкум. Лаънатдан қутулиш учун Ким Шин қайлиғини топиши керак. Орадан 900 йил ўтади ва токкеби ўз тамойилларига зид равишда ҳомиладор аёлни қутқаради. Унинг шарпаларни кўра оладиган ғайриоддий қизи Чжи Ин Так (Ким Го Ин) туғилади.
Дорама ва комедия элементларига эга фантазиялар “Демон” ёки “Токкеби” номи билан ҳам танилган. 2022 йил декабрь ҳолатига кўра, “Гоблин” Жанубий Кореяда энг кўп кўрилган сериаллар орасида олтинчи ўринни эгаллади.
7. “Ғалаба”
- 2022
- 1-мавсум / 8 қисм
- Режиссёр: Ан Гил Хо
- Актёрлар: Сон Хе Гё, Ли До Хён, Шин Е Ин, Ём Хе Ран
- IMDb: 7,9/10
- МйShowс: 5 тадан 4,6
Ўрта мактаб ўқувчиси Мун Донг Ин меъмор бўлишни орзу қилади, лекин синфдошларининг зўравонлиги туфайли мактабни ташлаб кетади. Қиз уни хафа қилганлар ва уни ҳимоя қилмаганлар учун қасос олишни орзу қилади. Бир неча йил ўтади ва Мун Донг Ин қасд олиш учун мактабига ўқитувчи бўлиб келади.
Вояга етган Мун Донг Ин ролини Сонг Хе Кё (“Қуёш авлодлари”, “Куз эртаги”) ижро этган. Актриса учун адолатга чанқоқ, қаттиққўл, ҳисоб-китобли ушбу қаҳрамон — ғайриоддий рол. Бунгача Сонг Хе Кё асосан ёқимтой қизларни ўйнаган. “Ғалаба” сериали “Триумф” ва “Қасос зафари” номлари билан ҳам машҳур. Иккинчи қисм Netflixъда 2023 йил март ойида чиқарилади.
Изоҳ (0)