Баъзан қайғуни ифодалаш ва ҳиссий дақиқаларни бошқа инсон билан эмас, балки дорама ёки фильм қаҳрамони билан баҳам кўргингиз келади. Худди шундай пайтда томоша қилиш учун қуйидаги сериалларни тавсия қиламиз.
“Бебош ошиқлар”, 2016 йил
Актёр Шин Жун Ёнг ёшлигидаги севгилиси Но Ил билан қайта учрашади. Но Ил ҳозирда ҳужжатли фильмлар продюсери бўлиб ишлайди. Янгидан учрашгандан сўнг, сирлар ва ўтмишдаги тушунмовчиликлар юзага чиқиб, ёшларнинг муносабатларини мураккаблаштиради. Бунинг устига, Жун Ёнг даволаб бўлмайдиган касаллик билан курашаётганини яшириб келмоқда.
“Май ёшлиги”, 2021 йил
Сериал сюжети 1980 йил май ойида Кванжу қўзғолони фонида содир бўлади. Тиббиёт талабаси Хван Хи Те ва ҳамшира Ким Мён Хи ўртасидаги муносабатлар Жанубий Кореядаги энг фожиали тарихий воқеалардан бирида ёшлик, севги ва фидойилик рамзига айланади.
“Жаноб қуёш нури”, 2018 йил
Ёшлигида Южин Чхве Америкага кетаётган ҳарбий кемага тушиб қолади. Вақт ўтиб, у Кореяга офицер сифатида қайтиб келади ва аристократ қизига ошиқ бўлади. Сериал воқеалари 20-асрнинг бошларида, Корея Япония босқини остида бўлган даврда ривожланади.
“Алвон юрак: Корё”, 2016 йил
21-асрда яшовчи Го Ҳан Жин исмли қиз сирли равишда ўтмишга, Корё даврига Ҳаэ Су исмли аёлнинг танасида қайта жонланади. Асосий қаҳрамон ҳокимият учун кураш марказига тушиб қолади. У тахт меросхўри билан яқин муносабатда бўлиб, саройдаги ҳаётнинг қийинчиликлари, хиёнат ва муҳаббат билан юзлашади.
“Вояга етмаганлар суди”, 2022 йил
Судья Шим Ин Сок вояга етмаганлар судида мураккаб ишларга дуч келади. Оқибатда вояга етмаган ҳуқуқбузарлар ва уларнинг хатти-ҳаракатлари сабаблари тўғрисидаги ўзининг олдинги қарашларини шубҳа остига олишга мажбур бўлади.
“Қизил манжетли енг”, 2021 йил
18-асрда сарой аёли Сон Док Им шахсий орзулари, муҳаббат ва унга юкланган вазифалар ўртасида мувозанатни топишга ҳаракат қилади, бу эса уни эркинлик ва муҳаббат ўртасида оғир танлов қилишга олиб келади.
“Ўттиз тўққиз”, 2022 йил
Сериал сюжети учта дўст ҳақида бўлиб, улар яқинда 40 ёшга тўлишади. Улар шахсий йўқотишлар, муҳаббат, синовлар ва бири давоси йўқ касаллик туфайли ўлимининг яқинлашиши билан боғлиқ аччиқ ҳис-туйғуларни бошдан кечирмоқда.
“Сарой жавоҳири”, 2003 йил
Дорама сюжети Тан Гем исмли қиз атрофида айланади, у қийинчиликлар ва ижтимоий камситишни енгиб, сарой ошпази бўлиб ишлай бошлайди. Кейинчалик император саройида биринчи аёл шифокор бўлади.
“Она”, 2018 йил
Ўқитувчи Кан Су Жин ўз шогирдларидан бири Хе Нага уйда зўравонлик қилинаётганини билиб қолади. Кан Су Жин қизга ёрдам беришга ҳаракат қилади, лекин Хе На нима бўлаётгани ҳақида гапиришни истамайди. Ўқитувчи болани ўғирлаб, қочиб кетишга қарор қилади.
“Менинг исмим”, 2021 йил
Дорама сюжети Юн Жи У атрофида айланади, у отасининг ўлими учун қасос олишни истайди ва жиноятчи гуруҳга қўшилади, шунингдек, қотилни топиш мақсадида махфий полициячи бўлиб ишлайди.
Изоҳ (0)