Жанубий Хитой денгизида Хитой ҳарбий кемаси Филиппин кемасини қувиб кетаётган ўзининг қирғоқ қўриқлаш кемасига урилди. Бу ҳақда BBC хабар бермоқда.
Маълум қилинишича, Хитой ҳарбий кемаси баҳсли Скарборо рифи яқинида Филиппин патрул катерини қувиб кетаётганда қирғоқ қўриқлаш кемаси билан тўқнашган.
Воқеа Филиппин қирғоқ қўриқлаш хизмати балиқчилар учун гуманитар ёрдам ортилган қайиқларга ҳамроҳлик қилаётган пайтда содир бўлган.
АҚШ қирғоқ қўриқлаш хизматининг Жанубий Хитой денгизи масалалари бўйича вакили Жей Тарриеланинг айтишича, Хитой кемаси юқори тезликда ҳаракатланиб, хавфли ҳаракатлар қилган.
“Хитой қирғоқ қўриқлаш кемаси SSG 3104 юқори тезликда Филиппин қирғоқ қўриқлаш кемаси BRP Suluan’ни қувлаб, Филиппин кемасининг ўнг томонидан хавфли ҳаракат қилди. Бу эса Хитой Халқ озодлик армиясининг ҳарбий кемаси билан тўқнашувга олиб келди. Натижада SSG кемасининг олд қисмига жиддий шикаст етди”, дейди Жей Тарриела.
Таъкидланишича, тўқнашувдан олдин BRP Suluan сув пуркагичдан ўққа тутилган, аммо четлаб ўтишга эришган. Дастлабки маълумотларга кўра, жабрланганлар йўқ.
Скарборо рифи 2012 йилдан буён Пекиннинг ушбу сувларга бўлган даъволарини рад этувчи халқаро қарорга қарамай Хитой ва Филиппин ўртасидаги зиддиятнинг асосий нуқталаридан бири бўлиб келмоқда. Жанубий Хитой денгизи энг муҳим денгиз йўли ҳисобланади, у орқали жаҳон савдосининг 60 фоиздан ортиғи амалга оширилади.
19 июль куни Вьетнамда бортида 53 киши бўлган сайёҳлик кемаси ағдарилиб кетди. Ҳодиса оқибатида камида 34 киши ҳалок бўлган, 8 киши бедарак йўқолгани хабар қилинганди.
Май ойида Ҳиндистоннинг Керала штати ҳукумати Кочи шаҳридан тахминан 70 километр узоқликда контейнер кемаси чўкканидан сўнг қирғоқбўйи ҳудудларида фавқулодда тайёргарлик ҳолатини эълон қилганди.
Изоҳ (0)