9 ойлик танаффусдан кейин АҚШдан Исроилга 2000 фунтлик MK-84 бомбалар партияси етиб келди. Америка президенти Дональд Трамп собиқ етакчи Жо Байденнинг 2024 йил майидан буён амалда бўлган оғир қуроллар етказиб беришга қўйган тақиқини бекор қилди.
Маълум қилинишича, 15 февраль куни кечаси оғир авиабомбалар ортилган кема Ашдод портига етиб келган. Ўқ-дорилар тезда туширилиб, ҳаво кучлари базаларига етказилган. Исроил Мудофаа вазирлигининг хабарига кўра, юк ўнлаб юк машиналарида ташилган, логистика ишлари эса исроиллик ва америкалик мутахассислар ҳамкорлигида амалга оширилган.
Вазирлик маълумотларига кўра, уруш бошланганидан бери Исроилга жами 76 минг тоннадан ортиқ ҳарбий техника етказиб берилган. Бу мамлакат тарихидаги энг йирик ҳаво ва денгиз орқали қурол-яроғ етказиб бериш операцияси бўлди.
Исроил мудофаа вазири Исроил Кац Трамп маъмуриятига қўллаб-қувватлагани учун миннатдорчилик билдирди.
Бугун тунда Исроилга етиб келган ва Трамп маъмурияти томонидан рухсат берилган ўқ-дорилар етказиб берилиши бизнинг ҳарбий-ҳаво кучларимиз ва армиямиз учун сезиларли кучайишдир. Бу, шунингдек, Исроил ҳамда Қўшма Штатлар ўртасидаги мустаҳкам иттифоқнинг яна бир далилидир, деди Кац.
У АҚШ мудофаа вазири Пит Ҳегсет билан сўнгги суҳбатида Вашингтон бундан кейин ҳам Исроилни ҳимоя қилиш учун зарур бўлган барча қурол-яроғ билан таъминлаши ҳақида кафолат олгани ҳақида қўшимча қилди.
Таъминот Исроил мудофаа армияси Ғазода жанговар ҳаракатларни қайта бошлаш имкониятини кўриб чиқаётган пайтда келтирилди. Яқин икки ҳафта ичида, агар ҲАМАС гаровга олинганларни топширишни тўхтаца ёки озод қилишнинг кейинги босқичлари бўйича музокаралар муваффақиятсизликка учраса, Исроил армияси яна ҳужумга ўтиши мумкин.
Мудофаа вазирлиги армия учун ўқ-дорилар етказиб беришни давом эттирмоқда. Бугунги кунга қадар Исроилга 76 минг тоннадан ортиқ ҳарбий техника 678 та авиарейс ва 129 та денгиз кемаси орқали етказиб берилган. Бу мамлакат тарихидаги энг йирик ҳаво ва денгиз орқали етказиб бериш операциясидир.
Нима учун Байден қурол етказиб беришни тўхтатиб қўйди?
2024 йил 6 майда Исроил армияси Рафаҳга ҳужум бошлаганида бошлаганидан сўнг Байден маъмурияти қурол етказиб беришни тўхтатган эди. Ўшанда АҚШ ҳужумга қарши чиқиб, босқинлар фаластинлик тинч аҳоли орасида оммавий қурбонларга олиб келишидан хавотир билдирган эди. Байден шахсан баъзи турдаги қуролларни, жумладан, 2000 фунтлик МК-84 бомбаларини етказиб беришни тўхтатишга буйруқ берган. Бу Исроилнинг ҳаракатларидан норозилик белгиси, шунингдек, агар қурбонлар сони ҳаддан ташқари кўпайиб кетса, АҚШ ҳарбий ёрдамни бутунлай тўхтатиши мумкинлиги ҳақида огоҳлантириш бўлган.
Чекловларнинг бир қисми 2024 йил июнь ойида, ўша пайтдаги Исроил мудофаа вазири Йоав Галлант Вашингтонга ташриф буюрганида бекор қилинган эди.
Бироқ сентябрь ойида бош вазир Бенямин Нетаньяху Байденни сусткашлик қилаётгани учун танқид қилиб, Ғазо бошқарувини Фаластин маъмуриятига топшириш режалари бўйича унинг жамоаси билан очиқчасига баҳслашди. Шундан сўнг АҚШ яна оғир ўқ-дорилар етказиб беришни тўхтатди.
Трампнинг сайловдаги ғалабаси вазиятни бутунлай ўзгартирди
2025 йил 20 январда АҚШнинг амалдаги раҳбари тақиқни расман бекор қилди ва энди бомбаларнинг биринчи партиялари аллақачон Исроилга етиб келди.
Изоҳ (0)