АҚШ президенти Дональд Трамп Яқин Шарқдаги кескин сиёсатини давом эттирмоқда. Ғазо устидан Америка назорати ўрнатилиши мумкинлиги ҳақидаги баёнотдан сўнг, энди у минтақадаги кучлар мувозанатини ўзгартириши мумкин бўлган қадамни ташламоқда.
Трамп администрация Исроилга энг кучли ядровий бўлмаган МОАB бомбалардан бири етказиб берилишини эълон қилди.
11 тонна оғирликдаги бу бомба ернинг чуқур қатламларида жойлашган иншоотларни, масалан, Эрон ядро объектларини йўқ қилишга қодир. Илгари АҚШнинг барча президентлари — Жорж Бушдан Жо Байденгача можаронинг кучайишидан чўчиб, Исроилга бу қуролни беришдан бош тортган эди. Аммо энди Трамп биринчи марта МОАB’ни етказиб беришга рухсат берди.
Исроил разведкаси маълумотларига кўра, бу шу йилнинг ўзидаёқ ядро қуролига эга бўлиши кутилаётган Эроннинг ядро объектларига эҳтимолий ҳужум учун сигнал бўлиши мумкин. Трампнинг бундай қатъий позициясига Эрон махсус хизматларининг уни йўқ қилиш режалари ҳақидаги хабарлар сабаб бўлган.
Агар улар шундай қилишса, уларни шунчаки ер юзидан супуриб ташлашади, деган Трамп ва ҳужум юз берган тақдирда чора кўриш учун буйруқ бериб бўлганини айтди.
Трамп Исроилга бомбалар юборишни тиклади
У Байденнинг Исроилга 2000 фунтлик бомбаларни юбориш бўйича жорий этган тақиқини бекор қилди. Бу Исроил ва ҲАМАС ўртасидаги уруш пайтида тинч аҳоли қурбонлари сонини камайтиришга қаратилган босимни йўққа чиқаради. АҚШ президенти тақиқни бекор қилиш қарорини қуйидагича изоҳламоқда:
Улар бомбаларни узоқ вақтдан бери кутишаётган эди. Чунки уларни сотиб олишган, деб жавоб берди сиёсатчи.
Трамп: “АҚШ Ғазо секторини бошқаради”
АҚШ президенти Ғазо секторини “снос” майдончаси деб атаганди. У анклав аҳолисини турли мамлакатларга, жумладан, Иордания ва Мисрга кўчириб ўтказиш мумкинлигини айтган. У Қўшма Штатлар бу жараённи молиялаштирмаслиги, чунки харажатларни қоплашга Яқин Шарқ давлатларининг қурби етишини таъкидлаганди. Вашингтон эса минтақадаги ишлар учун жавобгар бўлади ва зарурат туғилганда у ерга ўз қўшинларини юбориши мумкинлигини айтган.
Саудия Арабистони ҳукумати ўз баёнотида фаластинликларни ўз ерларидан сиқиб чиқаришга қаратилган ҳар қандай уринишларни қабул қилмаслигини таъкидлаб, Фаластин давлати тузилмагунича Исроил билан муносабат ўрнатмаслигини эълон қилди.
ҲАМАС Трампнинг Ғазодаги фаластинликларни чиқариб юборишга чақирган даъватларини қоралаб, уларни “ўз еридан қувиш” деб атади.
Австралиянинг маҳаллий аҳолиси вакили бўлган сиёсатчи Лидия Торп Трампнинг Ғазони “эгаллаш” ҳақидаги фикрларини “этник тозалаш ва мустамлакачиликнинг очиқ чақириғи” деб баҳолади.
Амнестй International инсон ҳуқуқлари ташкилоти ўтган йилнинг ноябрь ойида Халқаро жиноий суд (ХЖС) Нетаньяхуни қамоққа олиш учун ордер берган бўлса-да, уни қамоққа олмасдан, АҚШ “халқаро одил судловга нисбатан нафратини намойиш этаётганини” билдирди.
АҚШда бир қатор демократлар Трампнинг режасини танқид қилди, демократ сенатор Крис Мерфи эса АҚШнинг Ғазога бостириб кириши минглаб америкалик аскарларнинг ҳалок бўлишига ва Яқин Шарқда ўн йиллаб давом этадиган урушга олиб келишини таъкидлади.
Улар бомбаларни узоқ вақтдан бери кутишаётган эди. Чунки уларни сотиб олишган, деб жавоб берди сиёсатчи.
Изоҳ (0)