“Ҳизбуллоҳ” янги бош котиби этиб Ҳасан Насруллоҳнинг ўринбосари Наим Қосим тайинланди. Бу ҳақда Ливан гуруҳи маълум қилди.
Наим Қосим гуруҳнинг Маслаҳат кенгаши бўлмиш Мажлис аш-Шўро томонидан сайланган. У 30 йил давомида “Ҳизбуллоҳ”нинг аввалги раҳбари Ҳасан Насруллоҳнинг ўринбосари бўлиб ишлаган. Наим Қосим 1953 йилда Байрутда туғилган. Бир неча йил кимё ўқитувчиси бўлиб ишлаган.
Шу билан бирга, у диний тадқиқотлар билан шуғулланган ва талабалар орасида диний эътиқодни тарғиб қилишга қаратилган Ливан мусулмон талабалари иттифоқини ташкил этишда иштирок этган. 1991 йилдан буён “Ҳизбуллоҳ” бош котиби ўринбосари лавозимида ишлаб келаётганди. Қосим “Ҳизбуллоҳ”ни террорчи гуруҳ деб ҳисоблайдиган АҚШ санкциялари остида.
- 17 октябрь куни Исроил Фаластиннинг ҲАМАС ҳаракати етакчиси Яҳё Синвар ўлдирилганини эълон қилди. У Ғазо секторида снайпер томонидан отиб ўлдирилган.
- 28 сентябрь куни эса Ливаннинг “Ҳизбуллоҳ” ҳаракати бош котиби Ҳасан Насруллоҳ Байрутнинг жанубий чеккасида уюштирган ҳаво ҳужумида ҳалок бўлганди. Исроил шу куни тонналаб бомбалар билан 6 та бино ва бункерларни портлатиб юборган. Улардан бирида “Ҳизбуллоҳ” етакчиси бўлганди.
Изоҳ (0)