ҲАМАС ҳаракати Ғазо секторини бошқаришни Фаластин миллий маъмуриятига топширишга тайёр. Бу ҳақда манбага таяниб, Sky News Arabia хабар берди.
Маълум қилинишича, ҲАМАС тегишли қарорни Қоҳирадаги музокаралар давомида Миср босими остида қабул қилган. Тегишли қарор ҳақида Фаластин Озодлик Ташкилоти раҳбариятига мактуб йўлланган. ҲАМАС бу борада ўз шартларини ҳам қўйган. Жумладан, уларнинг барча давлат хизматчилари янги маъмурият таркибига киритилиши ва уларга пенсия тўлови кафолатланиши керак.
Исроил мудофаа вазири Исраэл Кац аввалроқ мамлакат “ўз мавжудлигини хавф остига қўйиши мумкин бўлган” Фаластин давлатининг ташкил этилишига йўл қўймаслигини айтганди. АҚШ махсус вакили Стив Виткоффнинг сўзларига кўра, Ғазо секторида ўт очишни тўхтатишнинг иккинчи босқичи ва гаровга олинган исроилликларни фаластинлик маҳбусларга алмашиш бўйича музокаралар шу ҳафта давом этади. Музокараларнинг иккинчи босқичи тирик қолган барча исроиллик маҳбусларни озод қилишни ўз ичига олади.
Трамп: “АҚШ Ғазо секторини бошқаради”
АҚШ президенти Ғазо секторини “снос” майдончаси деб атаганди. У анклав аҳолисини турли мамлакатларга, жумладан, Иордания ва Мисрга кўчириб ўтказиш мумкинлигини айтган. У Қўшма Штатлар бу жараённи молиялаштирмаслиги, чунки харажатларни қоплашга Яқин Шарқ давлатларининг қурби етишини таъкидлаганди. Вашингтон эса минтақадаги ишлар учун жавобгар бўлади ва зарурат туғилганда у ерга ўз қўшинларини юбориши мумкинлигини айтган.
Ушбу таклифга жавобан араб давлатлари етакчилари АҚШ давлат котибига мактуб йўллаб, фаластинликларни чиқариб юборишга йўл қўйиб бўлмаслиги, буни нафақат халқаро ҳуқуқнинг бузилиши, балки минтақавий хавфсизликка таҳдид деб атаган. Иордания қироли Абдулла II АҚШ президенти Дональд Трамп билан учрашувда Ғазо секторидан 2 минг нафар болани олиб кетишини билдирган.
Изоҳ (0)