Голливудда машҳурликка эришишдан аввал актёрлар иккинчи даражали ролларни гавдалантириши ёки жуда паст рейтингга эга лойиҳаларда иштирок этиши керак бўлган. Ҳатто энг истеъдодли актёрлар фильмографиясида кўплаб танқидларга сабаб бўлган лойиҳалар йўқ эмас.
Қуйида маълум образни ижро этганидан жуда афсусда эканлигини ҳеч иккиланмай барчага тан олган юлдузлар ҳақида маълумот берамиз.
Бред Питт
1997 йил февраль ойида, “Иблиснинг ўзгинаси” фильмининг премьерасига саккиз ҳафта қолганида Бред Питт Неwсweek нашрига интервью берган ва Ирландия Республика армияси ҳақидаги мазкур фильмдан ҳафсаласи пир бўлганини айтган. Бу режиссёр Алан Пакуланинг сўнгги лойиҳаси эди.
“Бизда сценарийнинг ўзи йўқ эди. Аввалига яхши режалар тузилган эди, бироқ номаълум сабабларга кўра сценарий ёзувлари ташлаб юборилди. Фильмни суратга олиш учун эса йўл-йўлакай бирор нарсани ўйлаб топишим керак эди. Бу мен учун катта босим бўлган. Бир томондан бундай ҳолат кулгили ҳамдир. “Иблиснинг ўзгинаси” фильми карьерам давомидаги энг масъулиятсиз кино намунаси, деб ҳисоблайман”, деган эди Бред Питт.
Жорж Клуни
Буюк режиссёрлардан ажойиб фильмга таклифларни кутиб ўтаверса, актёрларнинг аксарияти молиявий қийинчиликларга дуч келиши мумкин. Шу сабабли карьерасининг илк йилларида кўплаб юлдузлар оддий лойиҳалардан иш бошлашдан уялмаган. Масалан, Жорж Клуни бир вақтлар реклама роликлари ёки учинчи даражали фильмлардаги роллар билан кифояланган. Шунингдек, актёрни “Бетмен ва Робин” ҳамда “Қотил помидорларнинг қайтиши” каби даҳшатли комедиядаги роли учун рейтинги тушиб кетган.
“Пулга эҳтиёжим бўлганда иложсизликдан турли бемаъни фильмларда суратга тушар эдим. Атрофимдагилар нега ъНега “Қотил помидорнинг қайтиши” да суратга тушдингиз?ъ деб сўрашганда ўша пайтда янги иш топишим керак эди, деб қисқа жавоб бераман”,
дейди “Оскар” ва “Олтин глобус” мукофотлари лауреати.
Жулия Робертс
Актрисанинг обрўсига “Мен нохушликларни яхши кўраман” номли фильмда суратга тушиши ва ундаги шериги Ник Нолти путур етказган. Фильмда улар бир-бирларини севиб қолган рақиб мухбирларни ўйнайди. Реал ҳаётда эса барчаси аксинча бўлади: Интервьюлардан бирида Робертс бу ҳақда очиқ-ойдин гапирган:
“Балки Ник Нолти кўринишидан жуда келишган ва ёқимтой бўлиши мумкиндир, аммо шу билан бирга у жуда жирканч одам ҳамдир. Бу гапим учун у мени янада ёмон кўриб қолиши аниқ, чунки у одамларни ўзидан совитиш учун барча нарсага тайёрдек кўринади”.
Кейинчалик Nolteнинг ўзи бу фильм унинг фаолиятидаги энг ёмон лойиҳа эканлигини тан олган.
Силвестр Сталлоне
Машҳур актёр бўлиш орзусида бўлган Сталлонега аввалига иш топиш жуда қийин бўлган. Унинг ташқи кўриниши кўплаб режиссёрларга ёқмагани учун кастингларда муваффақиятсизликка учраган. Шу сабабли Сталлоне катталар учун фильмда суратга тушиш таклифига рози бўлган. Актёр бундан уялмайди, аммо “Қимирлама! Бўлмаса онам ўқ узади” фильмидаги ижросини ёқтирмаслигини тан олади:
“Мен кўплаб даҳшатли фильмларда суратга тушганман. Улардан "“Қимирлама! Бўлмаса онам ўқ узади” энг ёмони эди. Агар кимдир қотилликни тан олишини истасангиз, унга бу фильмни охиригача кўришга мажбур қилинг. Жиноятчи 15 дақиқа ичида ҳамма нарсани тан олиши аниқ”, дея ҳазиллашади Силвестр.
Ҳолли Берри
“Махлуқлар бали” фильми учун “Оскар” мукофотини олган Ҳолли Беррининг рейтинги “Мушук аёл” дан кейин тушиб кетган. Актриса “Олтин малина”мукофотини олиш учун саҳнага чиққанда бундан жуда ғазабда эканлигини яширмаган ва ўзининг администратори, сценарий муаллифи ва фильм режиссёри ҳақида барча салбий фикрларини айтиб ташлаган:
“Биласизми, мен миннатдорчилик билдиришим керак бўлган жуда кўп одамлар бор, чунки уларнинг ёрдамисиз “Олтин малина” ютиб олмаган бўлар эдим. Аввало, Warner Брос. компанияси! Мени бу бемаъни, сафсата фильмга жалб қилганингиз учун раҳмат. Биласизми, бу менинг карьерам учун жуда “яхши” таъсир қилди. Мен чўққиларда эдим, аммо Мушук аёл образи мени ерга улоқтирди” деган эди актриса.
Изоҳ (0)