Миллионлаб томошабинларнинг севимли актёри Леонардо Ди Каприо 11 ноябрь куни 50 ёшга тўлди. Юбилей муносабати билан актёр Лос Анжелесдаги шахсий қароргоҳида яқин қариндошлари, дўстлари ҳамда ҳамкасблари учун катта зиёфат уюштирди. Тадбирга Ди Каприонинг ота-онаси, кино ва санъат соҳасидаги кўплаб юлдузлар ва моделлар ташриф буюрди.
Туғилган кун байрами ёпиқ форматда ўтказилди, бироқ папарацсилар машҳур меҳмонларни уйнинг ташқарисида суратга олишга муваффақ бўлишди. Меҳмонлар орасида: кулранг Porsche машинасида рафиқаси Инес де Рамон билан келган Бред Питт, қадаҳ кўтариб турган ҳолатда суратга олинган Перис Ҳилтон, Роберт Де Ниро, Кара Делевин, Кети Перри ва Орландо Блум, Жейми Фокслар бор эди.
Фото: Spletnik.ru
Шунингдек, Марк Руффало, Эдвард Нортон, Сара Сампайё каби машҳурлар ҳамда рэперлардан Доктор Дре ва Тйга кабилар ҳам тадбир меҳмони бўлди.
Режиссёр Стивен Спилберг рафиқаси Кейт Кепшоу билан ташриф буюрди. Леонардонинг 81 ёшли отаси актёрнинг ўгай онаси Пегги Фаррар билан иштирок этди. Албатта, Леонинг онаси эса турмуш ўртоғи Девид Уорд билан келди.
-7KPFLrGv.webp)
Фото: Spletnik.ru
Байрамда 74 ёшли Стиви Уандер ажойиб қўшиқлар куйлади. Унга Ди Каприонинг яқин дўсти Тоби Магуайр ва Виттория Серетти биргаликда жўр бўлди. Хонанда Уандер оқшомнинг марказий юлдузига айланди ва актёр учун “Happy Birthday” қўшиғини ижро этди. Меҳмонлар орасида Ди Каприонинг ҳамкасби Кейт Уинслет ҳам бор эди.
Фото: Page Six
Маълумот учун, америкалик актёр, продюсер, эколог ва хайриячи Леонардо Ди Каприо 1974 йил 11 ноябрда ҳиппилар оиласида туғилган. У ўн уч карра “Олтин глобус”, беш карра BAFTA ва ўн бир маротаба Screen Actors Guild Awards мукофотлари номзоди бўлган. 2016 йилда The Times журнали томонидан дунёнинг энг нуфузли 100 кишиси қаторига киритилган.
Ди Каприо кўпинча ноанъанавий фильмларда, хусусан, биографик, мелодрама, драма фильмларда ўйнайди. 2019 йилга келиб унинг иштирокидаги лойиҳалар дунё бўйлаб 7,2 миллиард АҚШ доллари даромад келтирди ва у дунёдаги энг кўп ҳақ тўланадиган актёрларнинг йиллик рейтингида саккизинчи ўриндан жой олди. У халқаро шуҳратга Жеймс Кемероннинг “Титаник” (1997) фильмидаги Жек роли орқали эришди.
Изоҳ (0)