Gollivudda mashhurlikka erishishdan avval aktyorlar ikkinchi darajali rollarni gavdalantirishi yoki juda past reytingga ega loyihalarda ishtirok etishi kerak bo‘lgan. Hatto eng iste’dodli aktyorlar filmografiyasida ko‘plab tanqidlarga sabab bo‘lgan loyihalar yo‘q emas.
Quyida ma’lum obrazni ijro etganidan juda afsusda ekanligini hech ikkilanmay barchaga tan olgan yulduzlar haqida ma’lumot beramiz.
Bred Pitt
1997-yil fevral oyida, “Iblisning o‘zginasi” filmining premyerasiga sakkiz hafta qolganida Bred Pitt Newsweek nashriga intervyu bergan va Irlandiya Respublika armiyasi haqidagi mazkur filmdan hafsalasi pir bo‘lganini aytgan. Bu rejissyor Alan Pakulaning so‘nggi loyihasi edi.
“Bizda ssenariyning o‘zi yo‘q edi. Avvaliga yaxshi rejalar tuzilgan edi, biroq noma’lum sabablarga ko‘ra ssenariy yozuvlari tashlab yuborildi. Filmni suratga olish uchun esa yo‘l-yo‘lakay biror narsani o‘ylab topishim kerak edi. Bu men uchun katta bosim bo‘lgan. Bir tomondan bunday holat kulgili hamdir. “Iblisning o‘zginasi” filmi karyeram davomidagi eng mas’uliyatsiz kino namunasi, deb hisoblayman”, degan edi Bred Pitt.
Jorj Kluni
Buyuk rejissyorlardan ajoyib filmga takliflarni kutib o‘taversa, aktyorlarning aksariyati moliyaviy qiyinchiliklarga duch kelishi mumkin. Shu sababli karyerasining ilk yillarida ko‘plab yulduzlar oddiy loyihalardan ish boshlashdan uyalmagan. Masalan, Jorj Kluni bir vaqtlar reklama roliklari yoki uchinchi darajali filmlardagi rollar bilan kifoyalangan. Shuningdek, aktyorni “Betmen va Robin” hamda “Qotil pomidorlarning qaytishi” kabi dahshatli komediyadagi roli uchun reytingi tushib ketgan.
“Pulga ehtiyojim bo‘lganda ilojsizlikdan turli bema’ni filmlarda suratga tushar edim. Atrofimdagilar nega ‘Nega “Qotil pomidorning qaytishi” da suratga tushdingiz?’ deb so‘rashganda o‘sha paytda yangi ish topishim kerak edi, deb qisqa javob beraman”,
deydi “Oskar” va “Oltin globus” mukofotlari laureati.
Juliya Roberts
Aktrisaning obro‘siga “Men noxushliklarni yaxshi ko‘raman” nomli filmda suratga tushishi va undagi sherigi Nik Nolti putur yetkazgan. Filmda ular bir-birlarini sevib qolgan raqib muxbirlarni o‘ynaydi. Real hayotda esa barchasi aksincha bo‘ladi: Intervyulardan birida Roberts bu haqda ochiq-oydin gapirgan:
“Balki Nik Nolti ko‘rinishidan juda kelishgan va yoqimtoy bo‘lishi mumkindir, ammo shu bilan birga u juda jirkanch odam hamdir. Bu gapim uchun u meni yanada yomon ko‘rib qolishi aniq, chunki u odamlarni o‘zidan sovitish uchun barcha narsaga tayyordek ko‘rinadi”.
Keyinchalik Noltening o‘zi bu film uning faoliyatidagi eng yomon loyiha ekanligini tan olgan.
Silvestr Stallone
Mashhur aktyor bo‘lish orzusida bo‘lgan Stallonega avvaliga ish topish juda qiyin bo‘lgan. Uning tashqi ko‘rinishi ko‘plab rejissyorlarga yoqmagani uchun kastinglarda muvaffaqiyatsizlikka uchragan. Shu sababli Stallone kattalar uchun filmda suratga tushish taklifiga rozi bo‘lgan. Aktyor bundan uyalmaydi, ammo “Qimirlama! Bo‘lmasa onam o‘q uzadi” filmidagi ijrosini yoqtirmasligini tan oladi:
“Men ko‘plab dahshatli filmlarda suratga tushganman. Ulardan "“Qimirlama! Bo‘lmasa onam o‘q uzadi” eng yomoni edi. Agar kimdir qotillikni tan olishini istasangiz, unga bu filmni oxirigacha ko‘rishga majbur qiling. Jinoyatchi 15 daqiqa ichida hamma narsani tan olishi aniq”, deya hazillashadi Silvestr.
Holli Berri
“Maxluqlar bali” filmi uchun “Oskar” mukofotini olgan Holli Berrining reytingi “Mushuk ayol” dan keyin tushib ketgan. Aktrisa “Oltin malina”mukofotini olish uchun sahnaga chiqqanda bundan juda g‘azabda ekanligini yashirmagan va o‘zining administratori, ssenariy muallifi va film rejissyori haqida barcha salbiy fikrlarini aytib tashlagan:
“Bilasizmi, men minnatdorchilik bildirishim kerak bo‘lgan juda ko‘p odamlar bor, chunki ularning yordamisiz “Oltin malina” yutib olmagan bo‘lar edim. Avvalo, Warner Bros. kompaniyasi! Meni bu bema’ni, safsata filmga jalb qilganingiz uchun rahmat. Bilasizmi, bu mening karyeram uchun juda “yaxshi” ta’sir qildi. Men cho‘qqilarda edim, ammo Mushuk ayol obrazi meni yerga uloqtirdi” degan edi aktrisa.
Izoh (0)