Турк сериалларидаги қаҳрамонларнинг ижроси шунчалик табиий кўринадики, улар ўртасидаги ҳис-туйғулар самимийлигига ҳар бир томошабин ишонади. Аммо севимли телесериалимизда кўрган муносабатларимиз экрандан ташқарида ҳақиқатдан йироқ бўлади.
Биз гувоҳи бўлган “муҳаббат қиссалари” ортида турли жанжал ва можаролар бўлиб ўтган бўлиши мумкин. Ҳаётда бир-биридан нафратланадиган актёр ва актрисалар сериалда ошиқлар ролини ижро этишдек қийин вазифага дуч келишади. Шундай вазиятга қарамай, таслим бўлмайдиган ва томошабинлар учун ишлашда давом этадиган турк юлдузларини эътиборингизга ҳавола этамиз.
Жансу Дере ва Меҳмет Акиф Алакурт
Жансу Дере ва Меҳмет Акиф Алакурт “Сила. Уйга қайтиш” сериали орқали танилган. Уларнинг суратга олиш майдончасидаги ишончли актёрлик маҳорати оммавий ахборот воситалари ва мухлисларнинг муҳокамасига сабаб бўлди, бироқ ҳақиқий ҳаётда уларнинг муносабати аксинча бўлган. Меҳмет аввалдан унга Жансу унга тўғри келмаслигини ва актрисанинг доимий кечикиб келиши ёқмаслигини айтган. Дере эса Меҳметнинг доим қўпол муносабатда бўлганидан шикоят қилган.
Нургул Ешилчай ва Еркан Петеккая
“Парчаланган юраклар” сериалида Нургул Ешилчай ва Еркан Петеккая бир-бирига кўнгил қўйган бош қаҳрамонларни ўйнаган. Бироқ ҳаётда улар орасидаги муносабат тамоман бунинг акси бўлган ва ҳаттоки бир-бирларидан нафратланган. Вазият шу даражага етганки, Нургул карьерасига таъсир қилишидан ҳам қўрқмай, лойиҳа якунига етмасдан тарк этди. Сабаби Еркан билан ортиқча бир дақиқа ҳам ишламаслик эди. Уларнинг можароси қандай бўлгани ҳозирча номаълум, бироқ Еркан Петеккая актрисани интервьюда ҳақорат қилгани учун судга ҳам берган.
Бурак Ўзчивит ва Неслиҳан Атагул
Эвжен ва Ўзчивит жуфтлиги оилавий тарзда суратга олиш майдончасида келишмовчиликларга сабаб бўлиши билан ҳаммани ҳайратда қолдирмоқда. “Севги изтироби” сериалида ажойиб жуфтлик тарзида томошабинлар қалбини забт этган Неслиҳан ҳамда Буракнинг саҳна ортидаги низолари режиссёрларни ҳам қийин аҳволга солиб қўйган. Бунга актёрнинг рафиқаси Эвженнинг рашки сабаб бўлган. Бурак рафиқасини қанчалик хотиржам қилишга уринмасин, ҳаммаси ўзининг партнёрига иссиқ қаҳва узатганидан кейин бошланган. Айнан шу воқеадан сўнг Неслиҳан Бурак билан бирга тушиши керак бўлган саҳаналарни ижро этишдан бош тортган. Ижодий жамоа иш шундай давом этса, Фаҳрие кейинги сафар қаҳвани Неслиҳаннинг юзига сепиб юборишдан ҳам қайтмаслигига ишонган. Шунинг учун Ниҳон ва Камол саҳналарини алоҳида-алоҳида суратга олиб, монтажнинг ажойиб мўжизаларидан фойдаланишига тўғри келган. Неслиҳан эса Бурак билан муносабатларини тўхтатган, улар бугунги кунда бир-бирини кўрса ҳам гаплашмайди.
Киванч Татлитуғ ва Фаҳрие Эвжен
“Курт Сеит ва Александра” сериалида жуфтлик ролини ажойиб тарзда намоён этган Фаҳрие ва Киванч ҳам экран ортида унчалик илиқ муносабатларга эга бўлмаган. Актриса ўзининг мураккаб ҳарактери билан суратга олиш гуруҳининг аъзоларига кун бермаган. Киванчнинг сўзларига кўра, ҳаммага ақл ўргатишга одатланган Фаҳрие аслида унчалик ҳам истеъдодли бўлмаган. У бу каби такаббур хоним билан ҳеч қачон бирга ишламаслигини маълум қилган.
Жан Яман ва Селин Сойдер
Актёр Жан Яман ўзининг инжиқ характери билан машҳур. “Қайси биримиз севмадик” сериалида гўзал собиқ жуфтлик ролини ижро этган Селин ҳамда Жан саҳна ортида бир неча бор зиддиятга дуч келган. Ҳаттоки Жан қизга қарата стакан улоқтирганини ҳам рад этмаган. Буниси ҳам етмаганидек, у ўз партнёрини актрисалик қобилияти йўқлигини таъкидлаб, ҳақоратлаган. Шундан сўнг Селин лойиҳани тарк этишга қарор қилган.
Изоҳ (0)