Marvel киноолами юлдузи Дон Чидл Entertainment Weekly’га берган интервьюсида Стивен Содерберг билан «Оушеннинг 11 дўсти»нинг яна бир қисми ҳақида гаплашгани ва у буни қандай амалга ошириш бўйича бош қотираётганини маълум қилди. Чидлнинг сўзларига кўра, режиссёрнинг фильм учун янги ғояси бор, деб хабар беради «Film.ru».
«Бу ҳақида гаплашганмиз [«Оушеннинг 11 дўсти»дан кейин], аммо ўшанда Берни Мак вафот этганди ва биз дарҳол ‘Йўқ, буни аниқ қилишни хоҳламаймиз’ деган қарорга келгандик. Аммо яқиндагина Стивеннинг фильмида суратга тушдим ва у ‘Буни яна амалга ошириш йўли бор деб ўйлайман. Бунинг устида бош қотираяпман’ деди», — таъкидлайди актёр.
Шунингдек, Чидлнинг қўшимча қилишича, бу борадаги суҳбат у қадар чуқурлашмаган ва у фильмда кимлар пайдо бўлишини билмайди, бироқ тахминларга кўра, асосий таркиб барибир қайтади. Унинг ўзи фильмда портлашлар бўйича британиялик мутахассис Башер ролини ижро этган. Бундан ташқари, картинада Жорж Клуни, Бред Питт, Мэтт Дэймон ва бошқалар суратга тушган.
Фильм биринчи бор 2011 йилда прокатга чиққан ва шундан сўнг, иккита сиквели, шунингдек, «Оушеннинг 8 дугонаси» номли спин-офф пайдо бўлганди.
Изоҳ (0)