Аксарият аёллар турмуш ўртоғи Майкл Дуглас ва икки фарзанди билан АҚШда яшовчи уэлслик актриса каби соҳибжамол бўлишни орзу қилади.
Кетрин Зета-Жонс ким?
Актриса Кетрин Зета-Жонс “Зорро ниқоби” ва “Тузоқ” каби фильмлар туфайли машҳур бўлди. У “Чикаго”даги роли учун “Оскар”га, шунингдек, “Тунги мусиқа” фильмидаги ижроси учун “Тони” мукофотига сазовор бўлади. Зета-Жонс икки фарзандининг отаси — америкалик актёр Майкл Дугласга турмушга чиқиши ҳам шов-шувларга сабаб бўлган.
Эрта келган машҳурлик
Зета-Жонс 1969 йил 25 сентябрда Уэлснинг Суонси шаҳрида туғилган ва тўрт ёшидаёқ рақс билан шуғулланган. 15 ёшида Зета-Жонс ўрта мактабни ташлаб, “Пижама ўйини” мусиқий фильмининг гастрол спектаклига қўшилади. Тез орада у Лондоннинг Вест-Энд шаҳрига кўчиб ўтади ва 17 ёшида “42-кўча” фильмида рол ўйнайди.
Зета-Жонс 1991 йилдан 1993 йилгача намойиш этилган “Нафис май гуллари” сериали орқали британиялик томошабинларга танилади. Кейинчалик актриса телевизион фильмларда бир нечта юқори даражадаги ролларни, шу жумладан, 1996 йилги тарихий “Буюк Екатерина” биографик фильмида бош ролни ижро этади.
Бош роллар
1998 йилда Зета-Жонс Америка кино саноатига Антонио Бандерас ва Энтони Хопкинс ҳам иштирок этган “Зорро ниқоби” фильми билан кириб келади.
У Шон Коннери билан бирга “Тузоқ” (1999) криминал триллерида ўйнайди, “Траффик” (2000) фильмида наркобароннинг рафиқаси ролини ижро этади ва “Олтин глобус"” номинациясига сазовор бўлади.
Актриса 2002 йилда Рене Зеллвегер, Куин Латифа ва Ричард Гир иштирок этган “Чикаго” фильмига тажрибали мусиқий актриса сифатида қайтиб келади. Бу спектакль Зета-Жонс учун ғалаба бўлади, у Велма Келли ролини ижро этгани учун иккинчи пландаги энг яхши актриса номинациясида Академия мукофотини қўлга киритади.
2004 йилда Зета-Жонс Том Хенкс билан биргаликда Стивен Спилбергнинг “Терминал” фильмида рол ўйнайди, шунингдек, Жорж Клуни ва Бред Питт билан “Оушеннинг ўн икки дугонаси” криминал комедиясида суратга тушади.
Кейинчалик у Дуглас билан Бермуд оролларида омма эътиборидан узоқда бўлгани сабабли ролларга талабчанлик билан ёндашади. Зета-Жонс “Ҳеч қандай шартларсиз” (2007) романтик комедиясида бош ролда пайдо бўлади.
Ўша пайтда актриса 2009 йилда Стивен Сондхаймнинг Анжела Лансбери билан “Тунги мусиқа” мусиқий асарини жонлантиришда Бродвейдаги дебютини амалга ошириш орқали ўзининг кўп қиррали эканлигини кўрсатади. Дастлабки танқидларга қарамай, у кейинги йили мазкур роли учун “Тони” мукофотига сазовор бўлади.
Зета-Жонс Бродвейнинг машҳур мусиқий фильми “Аср рок мусиқаси” (2012) ва “RED 2” (2013) жанговар фильмидаги ёрдамчи роллари билан катта экранга қайтади. 2016 йилда у Блейк Харрисон ва Билл Ниги билан биргаликда Британиянинг машҳур ситкомига мослаштирилган “Дадамнинг армияси” комедиясида суратга тушади.
Зета-Жонс 2017 йилги “Адоват” фильмида афсонавий актриса Оливия де Хавилландни ижро этиб, телевидениега қайтади. Ўша йили унинг машҳур наркокартел раҳбари Гриселда Бланко ҳаётига асосланган “Кокаиннинг чўқинтирган онаси” фильмида рол ўйнаши маълум бўлади.
Майкл Дуглас билан турмуш қуриши
1998 йилда Зета-Жонс Америка кинофестивалида актёр Майкл Дуглас билан танишади. ОАВнинг ёзишича, учрашганидан кўп ўтмай актёр унга: “Мен болаларингизнинг отаси бўлишни хоҳлайман”, деб айтган.
Улар 25 ёш фарқига қарамай, тез орада турмуш қуришади. Жуфтликнинг биринчи фарзанди — ўғли Дилан 2000 йил август ойида туғилади, ўша йилнинг охирида улар Нью-Йоркдаги дабдабали Plaza меҳмонхонасида тўй қилишади. Қизи Керис эса 2003 йилда дунёга келади.
2010 йилда Зета-Жонс томоқ саратонига чалинган эрини қийин пайтларда қўллаб-қувватлаш учун карьерасини бир четга суриб қўяди. Кейинги йили Зета-Жонс биполяр бузилишнинг II даражаси билан ўзи ҳам даволанади.
“Мен шахсий муаммоларимни ҳаммага айтишни яхши кўрадиган одам эмасман, лекин биполяр касаллигимдан омманинг хабари бор. Ҳамкасбларим буни бутунлай назорат қилиш мумкинлигини билишади деб умид қиламан”, — дейди актриса.
2013 йил апрель ойида Зета-Жонс яна даволанишга ётади. Ўша йилнинг август ойида жуфтлик оғир кунларни бошидан кечираётгани маълум бўлади. Эр-хотин “никоҳларини қадрлаш ва ўз устида ишлаш учун бир мунча вақт алоҳида яшашга” қарор қилишади. Аммо 2013 йилнинг охирида улар ярашиб олади.
2018 йилда актрисанинг шахсий ҳаёти босим остидалиги маълум бўлади — эри маиший зўравонликда айбланади. Бу нохушликларга анча бўлганига қарамай, Кетрин ўшанда жуда қийналганини тан олади.
2020 йил декабрь ойида актриса билан яна нохуш ҳодиса юз беради. Daily Mail ва бошқа хорижий ОАВ хабарига кўра, Зета-Жонс оёғидан оғир жароҳат олади. Воқеа ўз уйида Рождество арчасини безаш пайтида содир бўлган.
Изоҳ (0)