Ёшлик бизни ташлаб кетади: Голливуд юлдузлари илк фильмларида қандай кўринишда бўлган? (фото)

«Иблис ҳимоячиси» фильмидаги Шарлиз Теронни ёки 1985 йилда экранларга чиққан «Хусусий курортда» фильмидаги Жонни Деппни эслай оласизми? Қуйида Голливуд юлдузларининг карьераси аввалида қандай бўлганини томоша қилишингиз мумкин.

Гвинет Пелтроу

Гвинет Пелтроу 90 йил бошларидан Голливудни забт эта бошлади, ўшанда бир неча сониялик иккинчи даражали қаҳрамон ролини ижро этди. Аммо 1995 йилда унинг «Жефферсон Парижда» фильмидаги роли кўпчиликнинг хотирасида қолди. Шундан сўнг 23 ёшли актрисани каттароқ лойиҳаларга — «Етти», «Эмма», «Буюк умидлар» ва бошқа картиналарга таклиф қилиш бошланди.

Хью Грант

Хью Грант 1982 йилдан бери фильмларда рол ўйнаса-да, барча ролларини муваффақиятли деб бўлмади. Актёрга 27 ёшида омад кулиб боқди ва у «Морис» фильмида бош ролни ўйнади.

Шарлиз Терон

Шарлиз Терон 1997 йилда «Иблис ҳимоячиси» фильмида бош роллардан бирини ўйнаб, шуҳрат қозонган. Кейинчалик 22 ёшли актриса Голливуддаги энг гўзал аёллардан бири сифатида эътироф этилди.

Орландо Блум

Орландо Блум «Уайлд» фильмидаги ролидан кейин танила бошлади. Ўшанда актёр 20 ёшли ҳар қандай ишга рози йигитча эди.

Ричард Гир

Ричард Гир 1977 йилда «Жаноб Гудбарни қидириб» фильмида суратга тушганидан сўнг аёллар қалбини забт эта бошлади. Лекин у 1980 йилда худди шу номдаги фильмдаги америкалик роли билан ёдда қолган. Ўшанда актёр 30 ёшда бўлган.

Жулия Робертс

Жулия Робертснинг «Соҳибжамол» фильмидан аввалги ролларини кўпчилик билмаса ҳам керак. Бу ажабланарли эмас, чунки у кам бюджетли сериалларда ўйнаган. 1988 йилда 21 ёшида у «Мистик пицца» фильмида асосий роллардан бирини ўйнади. Айтиш мумкинки, айнан шу лойиҳа туфайли унинг карьераси юқорилади.

Милла Ёвович

Милла Ёвович актрисалик фаолиятини ёшлигида бошлаган, телекўрсатувларда кичик ролларни ўйнаган. Аммо томошабин унинг истеъдодини 1991 йилда, 16 ёшида «Мовий лагунага қайтиш» фильмида рол ўйнаганидан кейингина кўра бошлаган.

Том Круз

Том Круз жуда эрта машҳур бўлган. 19 ёшида у «Якун» драмасида асосий роллардан бирини ўйнаган ва бу роли учун яхшигина ҳақ олган.

Женнифер Энистон

«Дўстлар»дан олдин Женнифер Энистон 10 та кичик бюджетли фильм ва телекўрсатувларда рол ўйнаган. 1990 йилда у «Феррис Бюлер» телесериалида қувноқ қиз ролини қойилмақом ижро этади. Ўша пайт бўлажак юлдуз 21 ёшда эди.

Жонни Депп

Чапдаги суратдаги йигитни танидингизми? 1985 йилда «Хусусий курортда» фильмида рол ижро этганда Жонни Депп атиги 16 ёшда эди.

Сандра Буллок

Сандра Буллок илк бор 1987 йилда «Золимлар» фильмида ўйнаган, лекин бош ролда эмас. У 1989 йилда кам бюджетли «Бионик қисмларга бўлиниш: Олти миллион долларлик эркак ва бионик аёл» фильми чиққандан кейин машҳур бўлди. Ўшанда актриса 25 ёшда эди. Ҳозир ҳам унинг 57 ёшда эканига ишониш қийин.

Кемерон Диас

Кемерон Диас омадли актриса. «Ниқоб» комедиясидаги биринчи роли дарҳол унга муваффақият ва шон-шараф келтирди. Суратга олиш пайтида актриса атиги 22 ёшда эди.

Жорж Клуни

Жорж Клуни биринчи марта 1979 йилда «Ҳаёт ҳақиқатлари» телесериалида чиқиш қилган. Ўша пайт у 18 ёшда эди ва ниҳоятда келишган бўлган.

Риз Уизерспун

Риз Уизерспун ўсмирлик чоғиданоқ фильмларда рол ўйнай бошлаган. 13 ёшида у «Симпсонлар» сериалида, 15 ёшида «Ёввойи гул» ва «Ойдаги одам» фильмларида, 16 ёшида «Машаққатли танлов: болани қутқариш» фильмида ва 17 ёшида у «Қумлар асираси» фильмида бош ролни ўйнади. Ҳозирда актриса 46 ёшда ва уч фарзанднинг онаси эканига ишониш қийин.

Бред Питт

Бред Питт кинодаги фаолиятини телесериаллар ва кичик бюджетли фильмларда иккинчи даражали рол ўйнашдан бошлаган. Уни озгина бўлса-да машҳур қилган картина «Қуёшнинг қоронғи томони» эди. Ўша вақтда у 25 ёшда бўлган.