Яқинда кинотеатрларда янги «Ўргимчак одам» пайдо бўлди, унда Том Ҳолланд бош ролни ижро этди. Бу Marvel комикслари қаҳрамони ҳақидаги саккизинчи фильмдир. Ушбу франшизада қайси актёр энг кўп гонорар олишга муваффақ бўлди?
Том Ҳолланд
Том Ҳолланд биринчи марта «Ўргимчак одам: Уйга қайтиш» фильмида суперқаҳрамон костюмини кийган. Ушбу фильмдаги роли учун у тахминан 500 минг доллар олган. У шунингдек, касса бонусларини ҳам олди. Натижада унинг гонорари 1,5 миллион долларни ташкил қилган.
2019 йилда чиққан «Ўргимчак одам: Уйдан узоқда» фильмида суратга тушган актёр тахминан 4 миллион доллар ишлаб топган. Янги «Ўргимчак одам: Уйга йўл йўқ» қисмидаги рол учун актёр қанча олгани ҳозирча номаълум.
Эндрю Гарфилд
2010 йилда Эндрю Гарфилд биринчи марта «Ўргимчак одам» франшизасининг навбатдаги актёри сифатида эълон қилинди. Миш-мишларга кўра, 2012 йилда актёр 500 минг доллар ишлаб топган. «Янги ўргимчак одам: Юқори кучланиш» фильмида суратга тушиш учун у тахминан 1 миллион доллар олган.
Тоби Магуайр
Тоби Магуайр 2002 йилда чиққан биринчи «Ўргимчак одам» фильмидаги иши учун 4 миллион доллар ишлаб топгани ҳақида йиллар давомида миш-мишлар бўлган. 2004 йилда у 17,5 миллион доллар маош олган.
Мавзуга доир:
- «Ўргимчак-одам: уйга йўл йўқ» фильмининг расмий трейлери намойиш этилди
- «Ўргимчак одам»даги Тоби Магуайрнинг костюми ва Фредди Крюгернинг қўлқопи аукцион орқали сотилади
- Бред Питт ва Жорж Клуни «Ўргимчак одам» режиссёрининг янги триллерида бирга суратга тушади
- Жаҳон кинематографиясидаги энг қиммат махсус эффектлардан фойдаланилган 10 та фильм (фото)
Изоҳ (0)