Минисериаллар қизиқарли ҳикояларни севувчи, аммо сериал кўришга вақти етарли бўлмаган инсонлар учун айни муддао. Қуйида сўнгги йилларда суратга олинган энг бой сюжетга эга янги минисериалларни тақдим этамиз.
“Айбсизлик презумпцияси”
Юридик мавзудаги сериалда бош қаҳрамон бўлган прокурорнинг ишдаги ишқи яхшилик келтирмайди. Унинг қаллиғи бир кечада қотиллик аломатлари билан вафот этади. Бу воқеа прокурорнинг ҳаётини бутунлай ўзгартириб юборади. Ёлғон ва туҳматларга қолган қаҳрамон боши берк кўчага кириб қолади.
“Пингвин”
“Бетмен”нинг ёвуз қаҳрамонларидан бири — Пингвинни Колин Фаррелл ижро этган. Танқидчилар актёрнинг ижросини юқори баҳолайди. Чунки визажистлар актёрни таниб бўлмас даражада ўзгартира олган.
Антагонист образини яратиш учун уларга тахминан 4 соат керак бўлган. Бора-бора бу жараён икки баравар кўп вақтни талаб қила бошлаган.
“Аколит”
Янги сериал ижодкорлари биринчи марта “Юлдузлар жанги” оламидаги Республика юксалиши даврини кўрсатади. Ситҳлар ўша пайтда йўқ бўлиб кетиш арафасида эди ва Жедай ордени гуллаб-яшнаган галактикада тинчликни сақлаб қолади. Бу вақтда сирли қотиллар қўлларига қурол олади.
“Жентлменлар”
Тинчликпарвар Энди Ҳорниман (Тео Жеймс) хизматдан ватани Англияга қайтади, кутилмаганда катта бойлик ва ҳашаматли мулк эгаси бўлган отаси вафот этади. Унинг васиятига кўра, Дюк унвони ва катта ер отасидан қоладиган мулкни миллионлаб фунт стерлингга сотишни орзу қилган катта акасини четлаб ўтиб, Эндига мерос бўлиб ўтади. Бироқ Энди ҳам мулкни сота олмайди, чунки наркомафия ундан каноп фермаси сифатида фойдаланмоқда.
“Уч тана масаласи”
Фильм воқеалари замонавий Хитойда бўлиб ўтади, бу ерда бир қанча олимлар инсониятнинг илмий тараққиётини секинлаштиришга уринаётган ўзга сайёраликлар билан алоқа ўрнатишга муваффақ бўлади. Бош ролларда Эиза Гонсалес, Бенедикт Вонг ва “Тахтлар ўйини” орқали мухлисларга таниш бўлган Лиам Каннингем ва Жон Бредли.
“Жаноб Смит ва Смит хоним”
Бред Питт ва Анжелина Жоли ижро этган фильм деб ўйласангиз, адашасиз. Бу 2000 йиллардаги фильм эмас, балки янги сериал. Картинанинг асосий мақсади томошабин кайфиятини кўтариш эмас, балки жосус жуфтликнинг оғир тақдири ҳақида ўйлашга мажбур қилишдир. Ҳа, махсус агентлар ҳам одам.
“Барча тасодифлар тасодиф эмас”
Баъзан содир бўлаётган ҳамма нарсада тасодифлар кетма-кетлигига ишонгинг келади. Лекин, афсуски ҳар доим ҳам шундай бўлавермайди. Сериал бош қаҳрамони кимдир очган даҳшатли сирни яширади. Номаълум муаллиф қаҳрамоннинг шахсий ҳаёти ҳақида энг майда тафсилотларгача китоб ёзган.
“Фаллоут”
2077 йилда Буюк уруш бўлиб ўтади, бу дунё бутунлай вайрон бўлиши учун қанча вақт керак, деган саволга аниқ жавоб беради. Маълум бўлишича, бунинг учун икки соат етарли, бу вақт ичида АҚШ ва Хитой бир-бирларига ядровий ракеталар отган, натижада дунё кимсасиз чўлга айланади. Аммо Ер аҳолисининг бир қисми шунга қарамай, айнан шундай ҳолат учун қурилган ерости бошпаналари туфайли омон қолади. Чорак аср ўтгач, омон қолганлар ташқарига чиқиб, дунёни даҳшатли ҳолатда кўришади. Ер сайёраси жуда кўп радиациявий нурланиш ва мутантларга эга бўлган жойга айланади.
Изоҳ (0)