“Асиралар”, 2013
- Детектив, драма, триллер / АҚШ
- Режиссёр: Дени Вилнёв
- Ролларда: Ҳью Жекман, Жейк Жилленхол, Виала Дэвис
Денис Вилнёвнинг “Асиралар” фильми чиққанидан бери триллерлар орасида етакчиликни эгаллаб келмоқда. Ҳью Жекман қаҳрамони йўқолган қизларини қидиради, Пеннсилваниядаги сокин шаҳарчада эса кучли ёмғир тинмайди — ҳар дақиқада сюжет янада қўрқинчли ва совуқ бўлиб бораверади. Қуриган дарахтлар, бир қаватли уйлар ва қуюқ булутлар — “Асиралар” фильмида даҳшат деярли ёнингизда эканлигини ҳис қилиб, қаҳрамонлар билан бирга лабиринтлар бўйлаб болаларни қидиришга тушасиз.
“Етти”, 1995
- Детектив, драма, триллер / АҚШ
- Режиссёр: Девид Финчер
- Ролларда: Морган Фриман, Бред Питт, Гвинет Пелтроу
Девид Финчернинг мазкур фильми номаълум шаҳарнинг ўзига хос депрессив дунёсини яратади. Лойқа ва хира ранглар, қийшиқ интерерлар ва доимий уйқучанлик ҳисси — шундай кайфиятда иккита шерик-детектив (Бред Питт ва Морган Фриман) бир қатор қотилликларни тергов қилаётган драма ривожланади. Айнан “Етти” фильми туфайли 90 йиллар услуби шаклланган. Финчернинг бу картинасини айниқса, ёмғирли кунларда иссиқ уйда, пардаларни ёпиб олганча томоша қилишни истайсиз.
“Қора ёмғир”, 1989
- Жангари, триллер / АҚШ
- Режиссёр: Ридли Скотт
- Ролларда: Майкл Дуглас, Энди Гарсия, Кен Такакура, Кейт Кепшоу
Ридли Скотт нафақат “Тиғ устида югурувчилар” фильмида, балки бошқа асарларида ҳам урбанистик қоронғулик, неон чироқлар ва цивилизация таназзулини тасвирлаган. “Қора ёмғир” — бу қочиб кетган якудзани (Юсаку Матсуда) излаб, Японияга бориб қолган икки полициячи ҳақидаги (Майкл Дуглас ва Энди Гарсия) ҳаяжонли криминал триллер. Фильмда ниҳоятда совуқ ва ноқулай муҳит, тунги ҳаёт манзаралари ва қаҳрамонларни тобора зулматга ботираётган олам тасвирланган.
“Қотиллик ҳақидаги хотиралар”, 2003
- Жангари, детектив драма / Корея Республикаси
- Режиссёр: Пон Жун Хо
- Ролларда: Сон Кан-хо, Ким Сан-кюн, Ким Рве-ха, Чже-хо Сон
Қўлга олинмаган сериали қотил ва икки полициячи ҳақидаги воқеа Корея провинциясининг совуқ манзаралари фонида юз беради. “Қотиллик ҳақидаги хотиралар” фильмида кулранг булутлар ҳам гувоҳларни, ҳам аёлларга нисбатан нафратга тўла манякни умидсиз излаётган терговчиларни қамраб олади. Қотиллик саҳналари, жиноят жойига боришлар ва фильмнинг ажойиб катарис билан якун топиши — буларнинг барчасини кузги тушкунлик кайфияти қоплаб олади, бу фильмнинг муҳим жиҳатига айланади.
“Жала”, 1998
- Жангари, драма триллер / АҚШ
- Режиссёр: Микаел Саломон
- Ролларда: Морган Фриман, Кристиан Slateр, Ренди Куайд
Микаел Саломоннинг “Жала” фильми фалокат ва криминал триллерни бирлаштиради: қоровул Том (Кристиан Слейтер) табиат офатидан ҳам, инкассатор машинасини таламоқчи бўлган жиноятчилар чангалидан ҳам омон қолишга ҳаракат қилади. Шиддатли ёмғир қаҳрамонларнинг ҳаётини хаосга айлантиради.
Изоҳ (0)