Кинодаги роллари муваффақиятли чиқиши учун юлдузлар баъзан ташқи кўринишини таниб бўлмас даражада ўзгартиришига тўғри келади. Қуйида ёш актёрларнинг гримёрлар ёрдами билан кекса қиёфада гавдаланган машҳур фильмларни ёдга оламиз.
Бред Питт, “Бенжамин Баттоннинг сирли воқеаси”
Туғилиши биланоқ 80 ёшли қари кишига айланган ноёб образи учун Бред Питт “Оскар”га номзод бўлган, аммо айнан гримёрчилар иши фильмга юксак мукофот олиб келган. Образ тайёр бўлиши учун Питт визажистлар курсисида соатлаб ўтириши керак эди. Юлдузнинг юзига ҳар куни силикон ниқоб тақилар эди.
Жим Керри, “Лемони Сникет: 33 та бахтсизлик”
Бир вақтлар Жим Керрига “Резина юз” лақаби берилган эди. Актёр фаолиятида мураккаб гримлардан иборат фильмлар талайгина. Керри “Ниқоб” комедиясида яшил юзли ажабтовур қаҳрамонга айланган, “Лемони Сникет: 33 та бахтсизлик” фильмида эса Олаф исмли ёвуз ва кекса графни ижро этган. Бу вақтда актёр 40 ёшни қарши олган эди.
Бундан бир неча йил аввал актёр “Гринч: Рождество ўғриси” да яшил қиёфали махлуқни ижро этган.
Мила Ёвович, “Ёвузлик маскани: сўнгги боб”
“Ёвузлик маскани: сўнгги боб” номли зомбилар ҳақидаги жанговар фильмида суратга тушиш вақтида Мила Ёвович 46 ёш эди. 85 ёшли Элис образини гавдалантириш учун актриса ҳар куни тўрт соат вақтини грим ишларига сарфлаган.
Гари Олдман, “Дракула”
Шундай актёрлар борки, улар ёвуз одамларни ўйнаш учун туғилганга ўхшайди. Гари Олдман Голливуднинг асосий ёвуз қаҳрамони бўлиб, у Влад Дракула ролини моҳирона ижро этган. Пардоз усталари унга вампир қиёфасига киришга ёрдам берган: ўша пайтда 34 ёшда бўлган Олдман фильмда мутлақ ўзгача қиёфада намоён бўлган. Қон сўрувчи образи фильмга учта “Оскар“ мукофотини олиб келган.
Вайнона Райдер, “Эдвард — қайчиқўл”
Гари Олдман билан бирга ишлаган Вайнона Райдер ҳам экранда визажистлар томонидан “қаритилган”. Тажриба 1990 йилда Тим Бертоннинг “Эдвард — қайчиқўл” фильмини суратга олиш пайтида ўтказилган. Пардоз усталари олдида қийин вазифа турган эди, чунки актриса атиги 18 ёшда эди. Ёш қизни кекса аёлга айлантириш учун мутахассислар бир неча қатламли гримдан фойдаланган ва натижада уларнинг меҳнати юқори баҳоланиб, “Оскар”га номзод бўлган. Бироқ бази томошабинлар Вайнона қари образида кўзидан ёшликка хос нур порлаб турганини қайд этишган.
Сигурни Уивер, “Оппоғой: Даҳшатли эртак”
Вайнона Райдернинг “Бегона” фильмидаги ҳамкасби Сигурни Уивер 90 йилларда кекса аёл образини гавдалантирган. “Оппоғой: Даҳшатли эртак” фильмини суратга олиш пайтида Сигурни 40 ёшдан ошган бўлса-да, ёш кўринар эди. Актриса фентезида жирканч ва ёвуз ўгай она ролини ўйнаган. Жодугар образи учун у Эмми мукофотига номзод бўлди.
Тилда Суинтон, “Гранд Будапешт меҳмонхонаси”
“Гранд Будапешт меҳмонхонаси” комедиясидаги Мадам Д образи фильмда қисқа муддатга пайдо бўлган бўлса-да, томошабинлар хотирасида узоқ сақланиб қолди. Кекса аёлга ўхшаши учун Тилда Суинтон беш соат давомида грим қилинади. Образдан чиқиш учун ҳам анча вақт керак бўлган. Суинтон ва унинг характери ўртасидаги фарқ 30 ёш бўлган.
Изоҳ (0)