Мазкур фильмлар нафақат томошабинлар томонидан, балки кино танқидчилар томонидан ҳам эътирофга сазовор бўлган.
“Бегона: Ромул”
Рейн ва унинг андроид укаси кон шахтасида яшайди ва у ердан чиқиб кетишга ҳаракат қилади. У бир неча йил ишлаган ва қуёшли сайёрага учиб кетиш ҳуқуқини қўлга киритган, аммо унинг қолиш муддати икки баробарга узайтирилади. Даҳшатли сайёрада ишлаб, қуёшни кўрмасдан бутун ёшликни ўтказмаслик учун Рейн дўстларининг ташландиқ кемадан бир нечта криокапсул ўғирлаш режасига қўшилади. Бироқ улар бу оддий кема эмас, балки бутун бошли станция эканлигини ва бекорга ташлаб кетилмаганини англаб етадилар.
“Бегона: Ромул” томошабинлар, хусусан, франшиза мухлислари томонидан ижобий қабул қилинди. Улар фильмни Сигурни Уивер иштирокидаги оригинал фильмнинг муносиб давомчиси деб ҳисоблашмоқда.
“Imperiya қулаши”
АҚШда фуқаролар уруши бошланган. Ҳарбий фотомухбир Ли Смит давлат раҳбарининг эҳтимол сўнгги кунларини озодликда ўтказаётганини тушунади, шунинг учун икки ҳамкасби ёрдамида тажрибасиз фотограф Жесси Каленни ҳам ёнига олиб, президентдан унинг сўнгги интервьюсини олиш учун хавф-хатарларга тўла узоқ сафарга чиқади.
Қизиғи шундаки, иккинчи даражали роллардан бирини Кирстен Данстнинг турмуш ўртоғи Жесси Племонс ижро этган. У дастлаб бошқа актёр томонидан ўйналиши керак бўлган полициячи ролини ижро этади. Жесси қисқа вақт ичида образга кириб, ҳар доимгидек, мукаммал актёрлик маҳоратини намойиш этади.
-cshQ3rs-.png)
“Дюна: Иккинчи қисм”
Пол Атрейдес узоқ вақтгача қочиб юра олмайди. У Ҳарконенларни ағдариш учун ёрдам бера оладиган кучларни излайди. Полнинг бу вазиятда икки устунлиги бор: биринчидан, Ҳарконенлар Лето Атрейдеснинг ўғли ҳали тирик эканини билмайди; иккинчидан, у танланган шахс бўлиб, бутун воқеаларнинг ўзгаришига сабаб бўла оладиган кучларни бирлаштира олади.
Вилнёвнинг сўзларига кўра, биринчи фильм кассада муваффақиятсизликка учраганда, иккинчи қисм суратга олинмас эди. Аммо 407 миллион доллар даромад фильмнинг давомига туртки беради ва студия яна бир бор адашмайди — иккинчи қисм 711 миллион доллар йиғади.
“Дедпул ва Росомаха”
Мазкур фильм Хю Жекманнинг туфайли кинотеатрлар экранларига чиқади. Райан Рейнолдс ва унинг ҳамкасбларида учинчи фильм учун кўплаб ғоялар бор эди, аммо уларнинг ҳеч бири етарлича қизиқарли кўринмасди. Барчаси Жекманнинг биргина қўнғироғи билан ўзгаради. Суперқаҳрамонлик фильмларидан кетганига қарамай, у Дедпул билан бир фильмда Росомахани ўйнашни орзу қилган ва орзуларини амалга ошириш учун Рейнолд билан боғланган.
“Ёлғиз бўрилар”
“Ёлғиз бўрилар” Бред Питтнинг сўнгги йиллардаги иккинчи комедик фильми ҳисобланади. 2022 йилда у “Ўқдан тез” фильмида бош ролни ўйнайди ва у жиддий драмалардан, масалан, “12 йил қулликда” ва “Бенжамин Баттоннинг сирли тарихи” каби фильмлардан чарчаган. Афтидан, энди жиддий бўлмаган фильмларда рол ўйнаб, дам олишни хоҳлаган кўринади.
“Тузоқ”
Купер Эбботт қизини севимли қўшиқчисининг концертига олиб боради ва мароқли вақт ўтказади, аммо атрофида жуда кўп полиция мавжудлигини сезади. Купернинг бир ходимдан олган маълумотларига кўра, бу концерт ФҚБ томонидан тузилган режа асосида ўтказилмоқда, чунки улар узоқ йиллардан буён бутун ҳудудда қўрқув уйғотган муҳим ва хавфли серияли қотилни тутмоқчи. Купер бу машҳур қотил ҳақида нафақат эшитган, балки аслида унинг ўзи ўша қотил.
“Майор Гром: Ўйин”
Россия сериаллари ўз чўққисига етган бўлса-да, ҳали ҳам аралаш ҳис-туйғуларни келтириб чиқаради. Аммо “Майор Гром” аллақачон бутун бир фильм сериясига айланди ва у ҳар доим ўз даражасини ушлаб туради, гарчи у мукаммаллик даражасида бўлмаса ҳам, бошқа фильмлар билан таққослаганда жуда юқори туради.
Изоҳ (0)