Ҳар биримиз фильмларда доим бир хил образни такрор гавдалантирадиган актёрларнинг гувоҳи бўлганмиз. Улар ўзининг хулқ-атвори, юз ифодаси ва ҳатто айтадиган сўзлари билан аввалги фильмлардаги қаҳрамонни ёдга солиб юборади. Бундай бўлишига доим ҳам актёрларнинг ўзи эмас, балки сценарий муаллифлари ва муайян ролга танлаган режиссёрлар сабабчидир. Reddit ижтимоий тармоғида ушбу мавзуда қизғин муҳокамалар давом этмоқда.
Биринчи навбатда мухлислар Райан Рейнолдс, Мишел Родригес, Дуэйн Жонсон ва Вин Дизельни танқид қилишди ва мазкур актёрларни “барча фильмларда бир хил персонажларни ижро этадиган тўртлик” деб аташди.
Фото: Lifehacker.ru
“Райан Рейнолдс ҳамма фильмларда фақат ўзини ўйнайди”, деб таъкидлади фойдаланувчилардан бири. Очиқ баҳс иштирокчилари Дуэйн Жонсонни эса ҳатто доим бир хил кийимда суратга тушишини айтиб ўтди.
Рўйхатда кейинги ўринда америкалик рэпер, актёр ва сценарийлар муаллифи Айс Кюб танқид остига олинди. “У асосан ғазабланган юзини кўрсатгани учун пул олади”, дея ҳазил қилди фойдаланувчилардан бири.
Фото: Lifehacker.ru
Никол Кидман ҳам доимий бир-бирига ўхшаш ролларда чиқадиган машҳурлар қаторига киритилди. Бир фойдаланувчининг сўзларига кўра, “У камида бешта фильм ёки сериалда бевафо, ёлғончи, аммо бадавлат эркакнинг рафиқаси ролини ўйнаган”.
Reddit платформасида тез-тез бир хил образда намоён бўладиган актёрлар сифатида Женнифер Кулидж, Сет Роген, Марк Уолберг, Жейсон Момоа, Жек Блек, Гал Гадот, Винс Вон, Жейсон Бейтман ва ҳатто Билл Мюррей ҳам тилга олинган.
Фото: Lifehacker.ru
Голливуд юлдузи Брюс Уиллис ҳам ўнлаб йиллар давомида бир хил образни гавдалантиргани қайд этилган. Бунга жавобан бир фойдаланувчи шундай деб ёзган: “Тўғри, Брюс Уиллис бир хил ролларда кўп чиққан, лекин у ролни қандай ижро этишни яхши билади. Айниқса, “Ўлим унга ярашади” фильмида ўз маҳоратини кўрсатган.
Фото: Lifehacker.ru
Бундан ташқари, актёр Жейсон Стейтем ҳақида ҳам салбий фикрлар билдирилган эди, аммо юлдузнинг тарафини олганлар кўп бўлди ва улар “Жейсон барча фильмларда бир хил, фақат турли даврларга тегишли қаҳрамонни ижро этган” деди. Масалан, “Чегарасиз” ва “Карта, пул ва тутаётган тўппонча” фильмларида у ўзи учун одатий бўлмаган ролларни ўйнаганини айтишди.
Фото: Lifehacker.ru
Баъзилар актёр Киану Ривзни ҳам битта образда қотиб қолган актёр деб аташга уринди, лекин унинг “Матриса” ва “Жон Уик” фильмларини мисол тариқасода келтириб ўтган ашаддий мухлислар бунинг аксини исботлади.
Изоҳ (0)