Google иккита йирик алоқа оператори билан уларнинг смартфонларига фақат ўзининг қидирув тизимини ўрнатиш бўйича келишув тузган. Бу ҳақда Euronews хабар бермоқда.
Компания Австралиянинг икки йирик алоқа оператори — Telstra ва Optus билан ноқонуний битимлар имзолагани учун 55 миллион Австралия доллари (30 миллион евро) миқдорида жарима тўлашга рози бўлган.
Улар ўз смартфонларига фақат Google қидирув тизимини олдиндан ўрнатиб, бошқаларини ўрнатишни тақиқлаган. Бунинг эвазига операторлар IT-гигантнинг реклама даромадларидан улуш олишган.
Бироқ Австралияда бундай амалиёт қонунлар билан тўғридан-тўғри тақиқланган. Австралия рақобат ва истеъмолчилар ҳуқуқларини ҳимоя қилиш комиссиясининг баёнотида таъкидланишича, “рақобатни чеклаш одатда истеъмолчилар танловини чеклашга, нархларнинг ошишига ва хизмат сифатининг пасайишига олиб келади”.
Google бу далилларга қўшилишга мажбур бўлган ва жаримани тўлашга рози бўлган. Шунингдек, корпорация Android телефон ишлаб чиқарувчилари ва алоқа операторлари билан тузилган шартномалардан қидирув тизимларини олдиндан ўрнатиш бўйича баъзи чекловларни олиб ташлаш мажбуриятини олди.
Telstra, Optus ва уларнинг кичикроқ рақобатчиси ТPG ўтган йили Google билан бундай битимларни узайтирмаслик ва қайта тузмаслик бўйича суд мажбуриятини олган эди.
Бундан аввал анъанавий равишда трафикни жалб қилиш учун Google қидирувга таянадиган сайтлар энди жиддий қийинчиликларга дуч келаётгани, чунки фойдаланувчилар ўз сўровларига жавоб олиш учун ChatGPT ва Perplexity каби платформаларга тобора кўпроқ мурожаат қилаётгани хабар қилинганди.
Июнь ойида Apple ва Google аккаунтларидан 16 млрд парол интернетга тарқалгани ма`лум бўлганди.
Изоҳ (0)