Британиялик актриса Кейт Уинслет 5 октябрь куни 49 ёшини нишонлади. Ҳозирда актриса фотошопдан воз кечиб, гўзаллик стандартларини тан олмайди ва аёллигидан фахрланиш қандай бўлишини яққол намойиш этади.
Уй театри ортидаги ҳаёт
Ҳар бир киши актёр бўлган оилада яшаш осон эмас. Бобоси билан бувиси кичкина уй театрида спектакллар қўяр, саҳна ортида эса ота-онаси, холалари ва опаларининг ҳаёти ўтарди. Кейт актёрлик мактабида ўқийди, рекламаларда суратга тушади, аммо туғма истеъдодига унчалик умид қилмасди. Чунки қоматидан жуда уяларди: у бир оз семизроқ, йирик суякли ва анча бўйчан эди. У ҳеч қачон катта орзулар қилмаган ва болалигидан уй бекаси бўлишга тайёргарлик кўрган.
Ўта қизиққон ва ижодкор оила унга кулгили семиз қаҳрамонларнинг ролларини башорат қиларди. Лекин бир куни, бир амаллаб корсетга сиққан, оч ҳолда, яна бир навбатдаги парҳезнинг қоқ ўртасида актёр Стивен Тредра билан танишиб қолади ва ота-онасининг уйини тарк этади.
Катта ҳаёт
Стив ҳақиқий юлдуз эди. Кейинчалик Кейтнинг дўстлари айтишича, унинг 30 ёшли таниши ўзининг севган қизи орқали ўзини кўрсатишни истаган. Бироқ Уинслетнинг ўзи ҳар доим Стивдан миннатдор эди. Йигити билан оддий актёрлик ҳаётини бўлишарди: шаҳарнинг чеккасидаги квартира, ярим нархда иккинчи даражали сабзавотлар, кастинглар ва энг муҳими — битта том остидаги орзулар: порлоқ келажак, катта оила ва Стивнинг “Оскар” оладиган карьераси ҳақида.
Ҳа, Стив “Оскар” ҳақида орзу қиларди, Кейт эса болалар тарбиялашни ўйларди. Лекин бир куни навбатдаги кастингдан кейин кутилмаганда Питер Жексоннинг психологик триллеридаги “Самовий махлуқлар” фильмида рол олади. Ўшанда 1994 йил эди. Улар уч йил ўтгач, деярли бутун дунё Кейтни танишини ҳали билишмасди. Аммо биринчи муваффақиятнинг ўзиёқ келишмовчиликларга сабаб бўлади.
Стив севгилисининг муваффақиятидан хафа бўлади, Кейт эса буни тушунмайди. Уинслетнинг кинодаги дебюти омадли чиқади, шундан кейин Стив ажралиш қарорини эълон қилади.
“Титаник” палубасидаги ўзгариш шамоли
Бироқ кўп ўтмай Стив унга қўнғироқ қилиб, учрашувга таклиф қилади. Аммо учрашувга келганида у маст эди ва оғир касаллигини, яқинда вафот этишини айтади. Эртасига Кейт бир қарорга келади – Стив билан охиригача бирга бўлади. Аммо ҳаммаси аввалгидек бўлмасди. Кейтнинг ҳаётидаги энг катта ўзгариш унинг катта кинода ўзини чинакамига кўрсатишга бўлган иштиёқи эди.
Бир куни эрталаб агент қўнғироқ қилиб, “Титаник” фильмининг кастингига шошилинч тайёргарлик кўриш кераклигини айтади. Жеймс Кемерон улкан лойиҳани бошлаб юборганди. Кейт ҳали сценарийни охиригача ўқиб бўлмасдан, ўз қаҳрамони ҳаёти билан яшай бошлайди. Агент унга озишни тавсия қилади. Кейт фақат ўзи керак деб билган даражада вазн ташлайди, лекин бир грамм ҳам кўп эмас.
“Титаник” премьерасида Кейтни кутишмайди. Ўша куни у яқин инсонлари билан бирга Стив билан видолашаётган эди. Бир неча кундан кейин у яна ишга шўнғиб кетади.
Марокашча муҳаббат ва инглизча ажралиш
Бир йил ўтгач Уинслет суратга олиш ишлари билан Марокашга жўнаб кетади. У ердан бармоғида никоҳ узуги билан қайтади ва кичик бир протестант қишлоғида режиссёр ёрдамчиси Жим Триплтон билан турмуш қуради. Ўша вақтда Жим Кейтга айрилиқни енгиб ўтишда ёрдам бериб, унга ғамхўрлик қилади — буни ҳатто Голливуд эртакларидаги ҳар қандай малика ҳавас қилган бўларди. Аммо Жим бир нарсани қабул қила олмайди: Уинслет жуда истеъдодли ва машҳур эди, у эса бутун умр юлдузнинг эрини сифатида унинг соясида қолиб кетарди.
Қизи Мия туғилишидан кўп ўтмай, Жим Кейтнинг бойлигининг ярмига эга бўлган ҳолда уйдан чиқиб кетади.
Ўзгаришлар йўли
Ҳомиладорликдан кейин Кейт анча семиради ва бир озгина вазн ташлай олади — у 169 см бўйига 60 килограмм эди, аммо ўзини қаттиқ танқид қилишни тўхтатади. “Таниган эркакларим нега аёллар жозибали бўлишни озғин бўлиш билан тенглаштиради, деб ҳайрон бўларди. Мен ҳам буни ҳеч қачон тушунмайман, эҳтимол. Умуман олганда, энг яхши парҳез — бу бахт. У туфайли сиз на озғин, на семизсиз, аксинча идеал бўласиз!”, дейди актриса. Тез орада, ҳаётга яна муҳаббат қўйган ва гўзаллашган Кейт “Америкача гўзаллик” фильми режиссёри Сем Мендес билан танишади.
Сем ва Кейт 2001 йил ёзида актриса Эмма Томпсоннинг уйидаги базмда танишиб қолади. Сем ундан аввал Калиста Флокхарт ва Рейчел Вайс билан узоқ муддатли муносабатда бўлган, лекин ҳеч бирига турмуш қуриш таклифини бермаган. Кейт эса танишгандан сўнг тезда қизи Мия билан бирга Нью Йоркка, Семнинг ёнига кўчиб ўтади.
Уинслетнинг айтишича, у Мендесни бир кўришдаёқ ёқтириб қолган. Тўйларидан сўнг, жуфтликнинг ўғли туғилади. Бу никоҳда Кейт ниҳоят кутган “Оскар” мукофотини “Китобхон” фильми учун қўлга киритади. Етти йил давомида Кейт ва Сем идеал оиланинг ажойиб намунаси эди, аммо уларнинг ажралиши ҳақидаги янгилик ҳамма учун кутилмаган бўлади. Айтишларича, актриса ва машҳур режиссёрнинг ажралишининг сабабларидан бири “Вики Кристина Барселона” ва “Дориан Грэй” фильмларида рол ўйнаган Ребекка Холл бўлган.
Ажралишга қарор қилган жуфтлик бу жараёндан шоу ясашни хоҳламади. Ҳеч қандай миш-мишлар ва шов-шувли ажрашиш бўлмади. Ҳар бирининг ўз йўлидан кетиш вақти келганди. Улар ўртасидаги муносабатларнинг таъсирли нуқтаси эса “Ўзгариш йўли” фильми бўлди — бу, Мендес, Уинслет ва яқин дўстлари ДиКаприонинг биргаликдаги иши эди.
Оролдаги миллионер
2011 йил ёзида Кейт Неккер оролида дам олади, у ерда миллионер Эдвард Абел Смит (Нед Рокнрол) яшарди — у машҳур тадбиркор Ричард Брансоннинг жияни. Кейт ва Нед оролдан биргаликда кетишади. Улар 2012 йил декабрда Нью Йоркда турмуш қуради. Бир йил ўтгач эса уларнинг ўғли Беар туғилади.
Изоҳ (0)