Голливуднинг Шон-шараф хиёбонидаги юлдузлар “Оскар” ёки “Эмми” каби нуфузли мукофотдир. Кўплаб шоу-бизнес вакиллари у ерда ўз юлдузига эга бўлишни орзу қилади. Йўлаклардаги плиталарга ўрнатилган минглаб юлдузлар санъат, кино, мусиқа саноатида ўчмас из қолдирган актёрлар, мусиқачилар, продюсерлар шарафига қўйилган. Улардан бири эндиликда ўйлаб топилган қаҳрамонга бағишланади — тез орада Шон-шараф хиёбонида Бетман образи шарафига юлдуз ўрнатилади.
Голливуд тарихида бошқа ҳеч қайси супер қаҳрамон бундай эътироф этилмаган. Бетмен қаҳрамони шарафига юлдуз ўрнатилиши ҳатто Гиннес рекордлари китобига киритилди. Ушбу мукофот нафақат комикс қаҳрамонига, балки унинг муаллифларидан бири — аниматор ва сценарий муаллифи Боб Кейнга ҳамда 1960 йилларда Бетмен ролини ижро этган актёр Адам Уэстга ҳам бағишланади. Қора рицар юлдузи уларнинг юлдузлари ёнига қўйилади.
“Голливуд Савдо палатаси Шон-шараф хиёбонидаги биринчи суперқаҳрамон — биринчи ва такрорланмас Бетманни эътироф этишдан фахрланади!”, дейди продюсер Ана Мартинес.
Фото: Europa Plus
“Қарийб 85 йилдан ортиқ вақт давомида Қора рицар барча мухлислар учун қатъият, жасорат ва адолат рамзи бўлиб келган”, дея бу фикрни DC Studio қўллаб-қувватланади.
Фото: Europa Plus
Бетмен юлдузи Шон-шараф хиёбонидаги 2790-рақам остида бўлади. Юлдузни ўрнатиш маросими жорий йил 26 сентябрга белгиланган.
Шон-шараф хиёбони Голливуд Савдо палатаси томонидан бошқарилади ва Hollywood Historic Truth томонидан молиялаштирилади. Айнан Бетмен қаҳрамонини юлдуз билан мукофотлашга бир неча сабаблар мавжуд, жумладан, унинг иштирокидаги комикслар жуда кўп бўлиб, Бетмен иштирокида кўплаб фильмлар, анимациялар ва компьютер ўйинлари ишлаб чиқилган. Бундан ташқари, унинг ролини асосан “Оскар” мукофоти совриндорлари — Бен Аффлек, Кристиан Бэйл, Жорж Клуни каби актёрлар ижро этган.
Фото: Europa Plus
Фото: Europa Plus
Изоҳ (0)