Mazkur filmlar nafaqat tomoshabinlar tomonidan, balki kino tanqidchilar tomonidan ham e’tirofga sazovor bo‘lgan.
“Begona: Romul”
Reyn va uning android ukasi kon shaxtasida yashaydi va u yerdan chiqib ketishga harakat qiladi. U bir necha yil ishlagan va quyoshli sayyoraga uchib ketish huquqini qo‘lga kiritgan, ammo uning qolish muddati ikki barobarga uzaytiriladi. Dahshatli sayyorada ishlab, quyoshni ko‘rmasdan butun yoshlikni o‘tkazmaslik uchun Reyn do‘stlarining tashlandiq kemadan bir nechta kriokapsul o‘g‘irlash rejasiga qo‘shiladi. Biroq ular bu oddiy kema emas, balki butun boshli stansiya ekanligini va bekorga tashlab ketilmaganini anglab yetadilar.
“Begona: Romul” tomoshabinlar, xususan, franshiza muxlislari tomonidan ijobiy qabul qilindi. Ular filmni Sigurni Uiver ishtirokidagi original filmning munosib davomchisi deb hisoblashmoqda.
“Imperiya qulashi”
AQSHda fuqarolar urushi boshlangan. Harbiy fotomuxbir Li Smit davlat rahbarining ehtimol so‘nggi kunlarini ozodlikda o‘tkazayotganini tushunadi, shuning uchun ikki hamkasbi yordamida tajribasiz fotograf Jessi Kalenni ham yoniga olib, prezidentdan uning so‘nggi intervyusini olish uchun xavf-xatarlarga to‘la uzoq safarga chiqadi.
Qizig‘i shundaki, ikkinchi darajali rollardan birini Kirsten Danstning turmush o‘rtog‘i Jessi Plemons ijro etgan. U dastlab boshqa aktyor tomonidan o‘ynalishi kerak bo‘lgan politsiyachi rolini ijro etadi. Jessi qisqa vaqt ichida obrazga kirib, har doimgidek, mukammal aktyorlik mahoratini namoyish etadi.
-cshQ3rs-.png)
“Dyuna: Ikkinchi qism”
Pol Atreydes uzoq vaqtgacha qochib yura olmaydi. U Harkonenlarni ag‘darish uchun yordam bera oladigan kuchlarni izlaydi. Polning bu vaziyatda ikki ustunligi bor: birinchidan, Harkonenlar Leto Atreydesning o‘g‘li hali tirik ekanini bilmaydi; ikkinchidan, u tanlangan shaxs bo‘lib, butun voqealarning o‘zgarishiga sabab bo‘la oladigan kuchlarni birlashtira oladi.
Vilnyovning so‘zlariga ko‘ra, birinchi film kassada muvaffaqiyatsizlikka uchraganda, ikkinchi qism suratga olinmas edi. Ammo 407 million dollar daromad filmning davomiga turtki beradi va studiya yana bir bor adashmaydi — ikkinchi qism 711 million dollar yig‘adi.
“Dedpul va Rosomaxa”
Mazkur film Xyu Jekmanning tufayli kinoteatrlar ekranlariga chiqadi. Rayan Reynolds va uning hamkasblarida uchinchi film uchun ko‘plab g‘oyalar bor edi, ammo ularning hech biri yetarlicha qiziqarli ko‘rinmasdi. Barchasi Jekmanning birgina qo‘ng‘irog‘i bilan o‘zgaradi. Superqahramonlik filmlaridan ketganiga qaramay, u Dedpul bilan bir filmda Rosomaxani o‘ynashni orzu qilgan va orzularini amalga oshirish uchun Reynold bilan bog‘langan.
“Yolg‘iz bo‘rilar”
“Yolg‘iz bo‘rilar” Bred Pittning so‘nggi yillardagi ikkinchi komedik filmi hisoblanadi. 2022-yilda u “O‘qdan tez” filmida bosh rolni o‘ynaydi va u jiddiy dramalardan, masalan, “12 yil qullikda” va “Benjamin Battonning sirli tarixi” kabi filmlardan charchagan. Aftidan, endi jiddiy bo‘lmagan filmlarda rol o‘ynab, dam olishni xohlagan ko‘rinadi.
“Tuzoq”
Kuper Ebbott qizini sevimli qo'shiqchisining konsertiga olib boradi va maroqli vaqt o'tkazadi, ammo atrofida juda ko'p politsiya mavjudligini sezadi. Kuperning bir xodimdan olgan ma'lumotlariga ko'ra, bu konsert FQB tomonidan tuzilgan reja asosida o'tkazilmoqda, chunki ular uzoq yillardan buyon butun hududda qo'rquv uyg'otgan muhim va xavfli seriyali qotilni tutmoqchi. Kuper bu mashhur qotil haqida nafaqat eshitgan, balki aslida uning o'zi o‘sha qotil.
“Mayor Grom: O‘yin”
Rossiya seriallari o‘z cho‘qqisiga yetgan bo‘lsa-da, hali ham aralash his-tuyg‘ularni keltirib chiqaradi. Ammo “Mayor Grom” allaqachon butun bir film seriyasiga aylandi va u har doim o‘z darajasini ushlab turadi, garchi u mukammallik darajasida bo‘lmasa ham, boshqa filmlar bilan taqqoslaganda juda yuqori turadi.
Izoh (0)