Улар иштирокида яратилган фильмлар миллионлаб мухлислар меҳрини қозонган, лекин ўзи иштирок этган фильмларни томоша қилишни истамайдиган таниқли Голливуд актёрлари ҳақда ҳикоя қиламиз.
Жаред Лето
“Даллас харидорлар клуби”, “Америка психикаси”, “Гуччи уйи” фильмлари орқали танилган Жаред Лето 24 йилдан буён ўзи иштирок этган фильмларни умуман томоша қилмаслигини айтди. Жареднинг таъкидлашича, ўз иштирокидаги фильмларни кўриш унга фақат халақит беради, чунки қандай қилиб яхшироқ ўйнаш мумкинлиги ҳақидаги ўйлар уни чалғитади. Актёр ҳар бир ролни ўз қобилиятидан келиб чиқиб ўйнашни афзал кўради. Бунда унга Станиславский тизими каби персонажга тўлиқ кириб бориш ёрдам беради. Жаред ижро этаётган қаҳрамонлари билан яшайди, ҳатто суратга олиш жараёнидан ташқарида ҳам образдан чиқмасликка ҳаракат қилади ва суратга олиш тугагандан кейингина “ниқобини” ечади.
Жонни Депп
Депп ўзи иштирок этган фильмларни томоша қилиш ҳақида гапирганда, ўйнаган персонажларини ўзи учун доғсиз сақлашни яхши кўришини таъкидлаган. Айтиш мумкинки, ундаги вазият Жаред Лето билан бир хил. Актёрни бирор нарсада айблаш жуда қийин, чунки унинг ҳар бир яратган образи янги, ноодатий ва ўзига хос ҳисобланади.
Адам Драйвер
2019 йилда NPR ток-шоуси мухлисларга Адам Драйвер билан режалаштирилган интервью чиқмаслиги ҳақида хабар берган. Маълум бўлишича, Адам “Никоҳ тарихи” фильмидан лавҳа кўрсатилгандан сўнг дарҳол чиқиб кетган. Драйвер ўз чиқишларини томоша қилмаслиги ҳақида огоҳлантирган. Лекин бунга жавоб тариқасида қулоқчинларни ечишни айтишган. Кейин Адам уни олган ва студиядан чиқиб кетган. Адам Драйвернинг ўз чиқишларини ёқтирмаслиги 2015 йилдан бери маълум. WHYY нашрига берган интервьюсида Адам ҳазил тариқасида ўз иштирок этган фильмларни кўришни ёқтирмаслигини айтган эди, сабаби ўзининг актёрлик маҳоратини ёмон деб ҳисоблайди.
Хавьер Бардем
Хавьер “Қариялар учун мамлакат йўқ”, “Дюна”, “007: Скайфолл координаталари” фильмлардаги роллари билан машҳур. Актёрнинг фикрича, ўзи иштирокидаги фильмларни томоша қилиш орқали ижросидан айб топади. Лекин бундан ҳеч қандай маънога йўқ, чунки фильмни қайта суратга олиш имконсиз.
Риз Уизерспун
Риз Уизерспун билан вазият жуда кулгили, чунки актриса фильмлардаги иштирокини эслай олмайди. “Шафқатсиз ўйин” ва “Қўрқув” фильмлари билан танилган актрисанинг айтишича, суратга тушган фильмларининг саҳналарини амнезия сабаб эслай олмайди. Уларни томоша қилганда ғалати туйғуларни бошдан кечиради ва ўзидан нафратланади. Лекин нима учун нафратланишини ошкор қилмаган.
Жесси Айзенберг
Жесси нафақат ўзи иштирок этган фильмларни, балки умуман фильм томоша қилишни ёмон кўради. Шунинг учун, томоша қилишдан қочади. Бу ҳақда Жесси “Бэтмен Суперменга қарши: адолат тонгида” фильмининг тарғиботи пайтида айтиб берган. Унинг сўзларига кўра, иштирокидаги фильмларни томоша қилиш кейинги фильмлардаги чиқишларига таъсир қилади. Бу уни янада кўпроқ асабийлашишга олиб келади.
Дензел Вашингтон
Баъзан одам хотирасидан “Ғазаб”, “Машғулот куни”, “Гангстер” фильмларни ўчириб худди биринчи мартадек томоша қилишни хоҳлайди. Лекин Дензел Вашингтонга бунинг учун хотирани ўчиришнинг ҳам кераги йўқ. Ўзининг демотивацияси ҳақида гапирар экан, Дензел ҳеч қачон ортга қарамасликни афзал кўришини айтган, шунинг учун у бўлажак фильмлари ҳақида қайғуради ва ўтмиш ҳақида ўйламасликка ҳаракат қилади.
Эндрю Гарфилд
Гарфилд ўзи суратга тушган фильмлардан фақат “Ижтимоий тармоқ” фильмини томоша қилган. Актёр унда Эдуардо Саверин образини гавдалантирган эди. Қайсидир маънода, бу ягона истисно ҳолат, чунки Гарфилд бошқа фильмларни умуман кўрмаган. Актёр буни маҳоратининг бир қисмини йўқотишга олиб келади ва нима қилаётганидан тўлиқ хабардор бўлишни хоҳламайди. Бу ҳолат бошқа фильмларда суратга тушишда маҳоратни тўлиқ очиб беришга халақит қилади деб ҳам ҳисоблайди.
Ҳелена Бонем Картер
Ҳелена Бонем Картер ўзи иштирокидаги фильмларни кўрмаслигини улардан янги нарса ўрганмаслиги билан изоҳлайди. Лекин Ҳелена баъзида фильм томоша қилиб ҳам туради. “Гарри Поттер”га омад кулиб боққан, чунки актриса фақат дастлабки тўртта фильмни томоша қилиб, охирги қисмини кўрмаган бўлса, ғалати бўлар эди.
Хоакин Феникс
“Жокер”, “Наполеон” ва “Гладиатор” фильмлари юлдузи учун ўз фильмларини томоша қилиш оғриқли жараён, чунки у ҳеч қачон топа олмайман деб ўйлаган нарсага интилади. Бу ҳолат Хоакиннинг фақат ўз фильмлари билан чекланиб қолмайди. Маълум бўлишича, у умуман фильм томоша қилишни ёқтирмайди. У бадиий фильмлардан кўра ҳужжатли фильмларни афзал кўради.
Изоҳ (0)