Фильмлар томошабинларга завқ бериб, кайфиятни улашиши билан бирга дунё миқёсида рекорд ўрнатиши ҳам мумкин.
Энг кўп ишлатиладиган ном
Кинематография тарихи давомида экранларга ярим миллионга яқин тўлиқ метражли бадиий фильмлар чиқди. Агар бу рақамга қисқа метражли фильмлар, сериаллар, ҳужжатли фильмлар ва бошқаларни қўшсак, уларнинг сони миллионга етиши мумкин. Буни ҳисобга олсак, 20-30 йилдан сўнг одамлар фильм ва сериалларга қандай қилиб янги номлар ўйлаб топишини тасаввур қилиш қийин. Чунки ҳатто 2024 йилда ҳам 30 мартадан ортиқ ишлатилган номлар мавжуд.
Энг кўп қўлланадиган ном “Broken” бўлиб, 2024 йилга келиб бу номдаги фильмлар сони 34 тага етди. Уларнинг орасида энг машҳури 2012 йилда суратга олинган, бош ролни Киллиан Mёрфи ижро этган фильмдир. “Hero” ва “Mother” номлари мос равишда иккинчи ва учинчи ўринларни эгаллади. Кинематографияда “Hero” номли 33 та, “Mother” номли эса 30 та фильм яратилган.
Голливуд фильмидаги илк ҳожатхона
-Dne30H0e.avif)
“Психо” ҳожатхона кўрсатилган биринчи фильм бўлди. Ғалати туюлиши мумкин, аммо 1960 йилгача ҳеч бир Голливуд фильмида ҳожатхона саҳналари бўлмаган, бу ажабланарли эмас, чунки бу мавзу одатда эски Голливудда унчалик кўп бўлмаган қўрқинчли фильмлар ва комедияларда тилга олинади.
Фильмдаги энг оғир костюм
Суперқаҳрамонлик фильмлари даврида кўплаб ноқулай костюмлар пайдо бўлди. Актёр учун уларнинг салбий томонлари одатда икки нарсада намоён бўлади: улар ё жуда оғир, ё латексдан тайёрланган. “Икс одамлар: Апокалипсис” фильмида Оскар Айзекнинг костюми 20 килограмм эди, шу сабабли у иложи борича камроқ дам олишга ҳаракат қиларди, чунки бундай кийимда кун бўйи юриш имконсиз эди. Бироқ Оскарнинг костюми ҳали энг оғири эмасди. 1938 йилда “Мария Антуанетта” фильми чиқади, унда Норма Ширер 50 килограммлик костюм кийишга мажбур бўлади.
Энг узун титр
-zO5OLld_.avif)
Кинематографияда бор-йўғи бир неча минг доллар эвазига бир нечта ҳаваскорлар томонидан суратга олинган бадиий фильмлар ҳам бор, шунингдек, юзлаб одамларнинг меҳнати талаб қилинадиган катта лойиҳалар ҳам мавжуд. Аммо ҳақиқий гигантлар, масалан, “Қасоскорлар: чексизлик жанги” ва “Қасоскорлар: интиҳо” каби фильмлар ҳам бор. Ушбу фильмларда энг узун титрлардан бири мавжуд бўлиб, унда 5109 киши кўрсатилган: актёрлар, режиссёрлар, продюсерлар, ссенаристлар, бадиий раҳбарлар, бастакорлар, операторлар, уларнинг ёрдамчилари ва кўплаб бошқа мутахассислар. Яримдан кўпи эса махсус эффектлар усталари ҳисобланади. Marvel студияси мазкур фильмларини яратишда махсус эффектлар бўйича ёрдам олиш учун бир нечта студияларга мурожаат қилган ва 2659 кишини жалб қилган. Бир неча ой ичида улар минглаб визуал кадрларни яратишган.
Энг кўп “ўладиган” актёр
-rZoT2X01.avif)
Шон Бин тез-тез ўладиган персонажлар билан танилган бўлиб, бу унинг карьерасига зарар етказаётгани сабабли “Тахтлар ўйини”дан кейин бундай роллардан воз кеча бошлаган. Бироқ у бу борада рекордчи эмас. Биринчи ўрин эса Кристофер Лига тегишли, чунки унинг персонажлари ҳақиқатан ҳам омадсиз бўлган. Бутун карьераси давомида у ўйнаган қаҳрамонлар ва ёвузлар 61 марта фожиали якун билан саҳнани тарк этишган. Шу тариқа, у Винсент Прайз, Жон Ҳарт, Дэннис Hoppeр ва Дэнни Треҳони ортда қолдирган.
Кинодаги энг катта портлаш
-Un6nPQVm.avif)
Портлаш саҳнасида фильм ижодкорлари одатда графикадан фойдаланади, аммо “007: Спектр” фильмида режиссёр Сем Мендес бошқача йўлни танлайди. У 8400 литр керосинга 33 килограмм порохли портловчи моддани аралаштириб, Жеймс Бонд ва Мадлен Свонннинг қочиш саҳнасида портлатади. Тахминан 8 сония давом этган портлаш кино тарихидаги энг катта амалий эффектлардан бири бўлди.
Энг кўп ишлатиладиган реквизит
-VVZdKbKV.avif)
Лос Анжелесда турли реквизит ишлаб чиқарувчи компаниялар мавжуд бўлиб, улардан бири кўплаб турли фильмларда ишлатиладиган реквизит — газета ишлаб чиқаради. Агар фильмда қаҳрамон газета ўқиётган бўлса, демак у қўлида Тhе Recurring Newspaper деб номланган газетани ушлаб турган бўлади. Бу газета 10 мингдан ортиқ фильмларда ишлатилган. Одатда унинг биринчи саҳифаси бўш бўлади, шунда исталган нарсани жойлаштириш мумкин, қолган саҳифалар эса тасодифий сўзлар ва иборалардан иборат.
Премьералар учун энг ёмон ой
-bZStYlrU.avif)
Январь — кўпинча муваффақиятсиз фильмлар чиқариладиган ой бўлиб, бу ҳолатнинг мантиқий сабаблари бор. Чунки студиялар одатда Янги йилдан кейинги дастлабки 30 кун ичида продюсерлар муваффақиятсиз деб ҳисоблайдиган фильмларни чиқаришади. Бунга икки сабаб бор: биринчидан, январда томошабинлар кўплаб дам олиш кунлари, таътиллар, маблағ етишмаслиги ва ноқулай об-ҳаво туфайли кинотеатрларга бормайди; иккинчидан, январда чиқарилган фильмлар мукофот мавсумига тушмайди ва кейингисига қадар улар эсдан чиқади. Аммо январда ҳар доим ҳам муваффақиятсиз фильмлар чиқавермайди: 2022 йилда чиқарилган “Қичқириқ” фильмидан кўпчилик умид қилмаган бўлса-да, у яхши даромад олди, чунки фильм сифатли чиққан эди. Бироқ январда чиқарилган фильмлар ўртача рейтинги 53,9 фоиз эканини кўрсатадиган статистика кўп нарсани англатади.
Энг машҳур ҳайвонлар
-p72U8Gyo.avif)
2024 йил 11 февраль ҳолатига кўра, киноларда энг машҳур ҳайвонлар итлар ҳисобланади. Улар 1304 та фильмда асосий рол ўйнаган, яъни фақат орқа фонда кўринмаган. Бу ҳолат тушунарли, чунки итлар осон ўргатилади ва тўғри тарбияланганида хавфсиз бўлади. Кейинги ўринларда отлар бўлиб, улар 970 фильмда иштирок этган, сўнгра 644 фильмда иштирок этган мушуклар жойлашган.
Изоҳ (0)