Катта актёрларнинг кичик образлари: Фильмларда эпизодик ролларни ижро этган Голливуд юлдузлари (фото)

Мазкур актёрлар “Оскар” совриндорлари-ю Голливуднинг энг талабгир актёрлари бўлса ҳам такаббурлик қилмай, иккинчи даражали ролларни ижро этишдан уялмаган.

Крис Эванс — “Бош қаҳрамон”

“Бош қаҳрамон” фильми томошабинларни видеоўйин дунёсига олиб киради ва сюжет Йигит лақабли оддий ўйин қаҳрамони атрофида айланади. Бир куни Йигит нимадир нотўғри эканлигини сезади ва тез орада у видеоўйин қаҳрамони эканлигини тушунади. У бу ҳақиқатга ишонмайди ва ҳақиқий дунёга қайтиш учун курашади.

Бир кадрда Йигит ўзининг нусхаси билан жанг қилади ва Капитан Америкага тегишли қалқонни ишлатади. Шундан сўнг Крис Эвансни таклиф қилиш фикри ҳам пайдо бўлади. У ўша пайтда “Жейкобни ҳимоя қилиш” фильми суратга олиш жараёнида айнан шу шаҳарда эди. Райан Рейнолдс унга қўнғироқ қилиб, 10 дақиқалик бир саҳнада иштирок этишни таклиф қилади. Эванс рози бўлади, лекин транспорт масаласи муаммо эди. Аммо раян бунинг йўлини ҳам топади. Крисни ресторанга олиб келиб, барча деразаларни қора пардалар билан ёпишади. У иштирок этган кадрни тезда суратга олишади ва Эванс 10 дақиқа ичида ортга қайтиб кетади.

Метт Деймон, Люк Хемсворт ва Сем Нил - “Тор: Рагнарёк”

“Тор: Рагнарёк” Marvel кинематик оламининг мухлисларини нафақат Тор характерининг ўзгариши, балки фильм бошида эпизодик рол ижро этган кутилмаган юлдузлар триоси билан ҳайратда қолдиради. Тор Асгардга қайтганидан сўнг, у Одинни Локи, Тор ва Один иштирок этган спектаклни томоша қилаётганини кўради. Қизиғи шундаки, Локини — Метт Деймон, Торни — Люк Хемсворт, Одинни — Сем Нил ижро этган. Бу уч актёрнинг кастинги сир сақланиб, ҳатто сценарий муаллифи ҳам песа актёрларини ким ўйнашини билмасди.

Том Круз, Гвинет Пелтроу, Кевин Спейси, Дэнни Де Витo, Жон Траволта, Стивен Спилберг ва бошқалар — “Остин Пауэрс: Голдмембер”

Фильмнинг сўнгги дақиқаларида томошабинлар эътиборини юлдуз актёрлар таркиби эгаллаб олишди. Фильм охирида содир бўлган воқеалар асосида ўйлаб топилган манзара трейлери намойиш этилади. Том Круз — Остин Пауэрс, Гвинет Пелтроу — Лена Головоч, Кевин Спейси — Ёвуз Доктор, Дэнни Де Витo — Мини-Ми, Жон Траволта — Голдмембер, Стивен Спилберг эса фильм режиссёри ролини иожро этади.

Хю Жекман — “Ғаройиб одамлар: биринчи класс”

Росомаха “Ғаройиб одамлар”нинг ажралмас қисми бўлса-да, “Ғаройиб одамлар: Биринчи класс” фильмида унга беш сониялик кўриниш берилган, чунки у хронологияга кўра ҳали жамоага қўшилмаганди. 

Қизиғи шундаки, Хью Жекман икки сабабга кўра: у бу сюжетда Росомаханинг иштирок этишини идеал деб ҳисоблайди ва фильмда сўкинадиган ягона одам бўлганлиги учун фильмда ўйнашга рози бўлади.