“Ёмон йигитлар”, “Оловуддин”, “Мен афсонаман” ва “Қирол Ричард” каби фильмлар билан танилган Голливуд юлдузи Уилл Смит ҳамда унинг рафиқаси Жада фарзанд кутмоқда. Бу ҳақда “Корреспондент.net” нашри хабар берди.
Меdiа Таkе Оut нашри маълумотларига кўра, 55 ёшли Уилл ва 52 ёшли Жада Смитлар суррогат оналик хизматига мурожаат қилган. Аввалроқ Жада 2016 йилдан бери турмуш ўртоғи билан бирга яшамаганини айтганди, аммо жуфтлик ажримга расман ариза бермаган.
Жада ва Уилл Смит 1997 йилда турмуш қурган. Уларнинг икки нафар фарзанди — қизи Уиллоу ва ўғли Жейден бор. Эр-хотин салкам 7 йилдан бери бирга яшамаса-да, Уилл Смит рафиқасининг шаънини доим ҳимоя қилиб келган. Хусусан, 2022 йилда Крис Рок “Оскар” мукофотини топшириш маросимида Жаданинг бошида соч йўқлиги ҳақида ҳазил қилганидан сўнг Уилл унинг юзига тарсаки туширган.
Маълумот учун: Уилл Смитнинг тадбиркор аёл Шери Зампино билан никоҳидан Уиллард Кристофер Смит исмли бир нафар ўғли бор.
Изоҳ (0)