Украина президенти Владимир Зеленский АҚШ президенти Дональд Трамп билан учрашувдан аввал Финляндия, Буюк Британия, Италия раҳбарлари, Европа комиссияси ва НАТО бош котиби билан позицияларни мувофиқлаштирганини маълум қилди. Бу ҳақда у ижтимоий тармоқларда ёзган.
Учрашувлар Украинанинг Вашингтондаги элчихонаси биносида бўлиб ўтган.
“Бизнинг асосий мақсадимиз Украина ва бутун Европа учун ишончли ва узоқ муддатли тинчликка эришишдир. Барча учрашувларимиз динамикаси айнан шундай натижага олиб келиши муҳим”, дея таъкидлади Украина раҳбари.
Зеленский қотилликларни тўхтатиш зарурлигини таъкидлаб, ишончли ва муносиб тинчлик ўрнатиш йўлида меҳнат қилаётган ҳамкорларга миннатдорлик билдирди.
“Биз Финляндия, Буюк Британия, Италия раҳбарлари, Европа комиссияси ва НАТО бош котиби билан биргаликда президент Трамп билан учрашувдан олдин ўз позицияларимизни мувофиқлаштириб олдик. Украина ҳақиқий тинчлик келишувига ва янги хавфсизлик тизимини яратишга тайёр. Бизга тинчлик керак”, дея таъкидлади Украина президенти.
Изоҳ (0)