Sevimli filmingizni qayta ko‘rayotganingizda, ilgari e’tiboringizdan chetda qolgan biror narsani to‘satdan ilg‘ab qolganmisiz?
“Jarlik” blokbasteridagi shaxmat o‘yini sahnasi, aktrisa Anya Taylor-Joy ishtirok etgan boshqa mashhur asar — shaxmatchi ayol haqidagi “Qirolichaning yurishi” serialiga ishora qiladi.
“Etik kiygan mushuk: So‘nggi istak” multfilmidagi ertak kitobda yashirin xabar bo‘lgan.
U har bir satrning bosh harflaridan tashkil topgan bo‘lib, “You already have it” — “Bu senda allaqachon bor” degan ma’noni anglatadi. Gap Zlatovlaskaning haqiqiy oilasini qidirishi shart emasligi haqida, chunki uning allaqachon oilasi bo‘lgan.
Bo‘ri multfilmning aynan boshida ilk bor paydo bo‘ladi. Uning noaniq siluetini bosh qahramon sharafiga o‘tkazilayotgan ziyofatda, olomon orasida qimirlamay turgan holda ko‘rish mumkin.
“Uddalab bo‘lmas topshiriq: oqibatlar” filmida yovuz qahramonning shaxsiyati dastlabki daqiqalardanoq fosh etiladi.
Itan Xant agent Uokerning yuzini skanerlab, filmning bosh yovuzi Jon Lark haqida gapiradi. Ammo Itan agent Uokerning o‘zi aslida Jon Lark ekanini bilmaydi.
“Suv parisi” multfilmida Ariel cho‘kib ketgan kemalardan chiqarib olgan buyumlardan biri Jorj de Laturning “Tavba qilayotgan Mariya Magdalena” nomli rasm hisoblanadi.
“Titanik” filmidagi kema uriladigan aysberg halokatdan omon qolgan Jozef Skarrot tomonidan berilgan tavsifga asosan qayta yaratilgan.
U shunday degandi: “O‘sha paytda menga aysberg Yevropa burnidan qaralganda Gibraltar qoyasiga o‘xshab ko‘ringandi”. Aynan shunday aysberg halokat joyiga yaqin yerda bo‘lgan.
“X-odamlar” filmida doktor Trask prezidentni Mistik haqida ogohlantirganida, shunday deydi: “U istalgan kishiga aylanishi mumkin: generalga, maxfiy xizmat xodimiga, hattoki sizga ham”.
Izoh (0)