Charli Chaplin, Marlon Brando kabi jahon kinosining afsonaviy yulduzlarining avlodlari qanday ko‘rinishda? Ushbu savol har qanday kino ixlosmandini qiziqtirishi aniq.
Iten Pek – Gregori Pekning nabirasi
1950-yillarda millionlab qizlar Gregori Pekka “Rim ta’tillari” filmidagi roli orqali oshiq bo‘lgan. Filmdagi malika Anna va Jo Bredlining hikoyasi hech kimni befarq qoldirmagan.
Iten Pek bugungi kunda bobosining yo‘lidan borib, seriallar va filmlarda suratga tushmoqda.
Jeyms Tyerre — Charli Chaplinning nabirasi
Charli Chaplin hayoti davomida to‘rt marta uylangan va ayollaridan 12 nafar farzandi bo‘lgan. Jeyms Tyerre — Chaplinning to‘rtinchi xotini Unadan tug‘ilgan qizi Viktoriyaning o‘g‘li.
Jeyms Shveysariyada tug‘ilgan va ulg‘aygan. U raqqos, aktyor va sirk artisti hisoblanadi. Uning ota-onasi, Viktoriya va Jan-Batist Tyerre, “Yangi sirk” yo‘nalishining asoschilaridan hisoblanadi. Bu yo‘nalish arenada drama, teatr va an’anaviy sirk janrlarini birlashtirdi.
Hozirda Jeyms “Hanneton” nomli o‘z teatriga ega bo‘lib, raqs va sirkni uyg‘unlashtirgan chiqishlar namoyish etadi.
Tuki Brando — Marlon Brandoning nabirasi
Marlon Brando 11 nafar farzandning otasi bo‘lgan. Ulardan uchtasi asrab olingan bo‘lsa-da, mashhur otalarining familiyasini olgan. Tuki Brando aktyor va taitilik Tarita Teripiya ismli ayolning nabirasi. Qizig‘i, aynan shu nikoh Brando hayotidagi eng uzoq davom etgan 10 yillik turmush hisoblanadi.
Tuki Brando hozirda model sifatida faoliyat yuritadi. U Versace brendi bilan ishlaydi, podiumlarda chiqadi va fotosessiyalarda ishtirok etadi. Shu bilan birga, u tibbiyot universitetini ham bitirgan.
Klark Jeyms Geybl — Klark Geyblning nabirasi
Klark Geybl “Shamollarda qolgan hislarim” filmidagi Ret Batler roli bilan mashhur bo‘lgan va XX asr kinosining eng ko‘rkam erkaklaridan biri sanalgan.
Uning nabirasi Klark Geybl III ham jozibasi va xarizmasi bilan bobosiga juda o‘xshaydi. U 5 yoshidan model sifatida ishlay boshlagan. Hozirda esa “Cheaters” (Xiyonatchilar) nomli mashhur realiti-shouning boshlovchisi sifatida faoliyat yuritadi. Ushbu ko‘rsatuv jamoasi turmush o‘rtog‘iga xiyonat qilayotgan insonlar haqida surishtiruv olib boradi.
Izoh (0)