Leonardo Di Kaprioning rossiyalik qiyofadoshi, aktyor Aleksandr Yasen “Leo, bizda Sibir vaziyati” nomli filmda rol ijro etdi. Kartina ilk bor Novosibirsk shahrining kinoteatrida namoyish qilindi.
Premyera hozircha faqat film ijodkorlari uchun o‘tkazildi. Biroq Yasen o‘z Telegram kanalida yozishicha, “Asarni Rossiyaning bir nechta yirik kinofestivallarida ko‘rsatish zarur”.
Aktyor filmni, shubhasiz, Di Kaprioning o‘zi ham ko‘rishiga ishonch bildirmoqda. “Agar nimanidir chindan xohlasangiz, aslida hamma narsaning imkonini topish mumkin. Bizning filmimiz ham buning yaqqol isbotidir — hech narsa imkonsiz emas. Balki bu o‘z-o‘zidan yuz berar. Yoki ehtimol kimdir Leonardo Di Kaprioga bu filmni ko‘rsatishni istab qolar”, deydi Yasen.
Film syujetiga ko‘ra, Gollivud aktyori Leo Sibirning ovloq qishlog‘iga kelib qoladi. U yerda mahalliy aholi bilan chiqishib ketadi va hatto o‘z sevgisini topadi.
Izoh (0)