Gollivud aktyori Eddi Myorfining o‘g‘li Erik Myorfi oila qurdi. Bu haqda TMZ jurnalistlari xabar berdi.
Uning rafiqasi yana bir taniqli komik va aktyor Martin Lourensning 28 yoshli qizi Jasmin Lourensdir. Eddi Myorfi bu haqda The Jennifer Hudson Show efirida aytib o‘tdi. Aktyorning so‘zlariga ko‘ra, to‘y marosimi taxminan ikki hafta oldin bo‘lgan.
To‘y ixcham va oddiy o‘tkazilgan: kelin-kuyov hech qanday mehmonlarsiz cherkovda nikohdan o‘tgan. Myorfi hazil tariqasida bu Lourens uchun foydali bo‘lganini, chunki u to‘y xarajatlarini qoplash majburiyatidan qutulganini aytgan.
Bundan avval aktyorlar internetda to‘y xarajatlarini qoplash masalasida hazillashgandi. Erik Myorfi va Jasmin Lourens uch yil avval tanishgan. Har ikki yoshning ota-onasi ularning munosabatini to‘liq qo‘llab-quvvatlaydi.
Izoh (0)