Bred Pitt va Anjelina Jolining to‘ng‘ich qizi Shaylo o‘zining ism-familiyasidan voz kechdi. G‘arb OAVlariga ko‘ra, endilikda u yangi taxallusdan foydalanmoqda.
May oyida Shaylo Los-Anjelesda bo‘lib o‘tgan Isabelle Marant’ning kapsula kolleksiyasi taqdimotiga tashrif buyurdi. Tadbirda Milla Yovovich, Elison Bri, Jenyuari Jons, Reychel Bilson kabi mashhurlar ham ishtirok etdi.
Shayli tadbirda mehmon sifatida emas, balki xoreograf sifatida ishtirok etdi. U shou uchun raqs sahnasini tayyorlashda bir nechta qizlarga yordam berdi. Shaylo bilan birga sahnada Tako Suzuki va Keoni Rouz kabi mashhur xoreograflar chiqish qildi.
Ko‘rgazma munosabati bilan jurnalistlarga taqdim etilgan press-relizlarda Shaylo to‘liq ismi bilan emas, balki “Shay Joli” taxallusi bilan ko‘rsatilgan. Uning ismi rasmiy hujjatlarida ham o‘zgartirilganmi yoki taxallus sifatida foydalanganmi, hozircha noma’lum.
Ammo bundan avval 2024-yilning may oyida, 18 yoshga to‘lgan kuni Shaylo rasmiy ravishda otasining familiyasidan voz kechgan edi. Sud qarorni imzolaganidan so‘ng, uning to‘liq ismi rasman Shaylo Nuvel Joli bo‘lgan. Ma’lumotlarga ko‘ra, u bunday keskin qarorga kelishiga otasi bilan hech qaysi jabhada bog‘lanishni istamagani sabab bo‘lgan.
Eslatib o‘tamiz, Bred Pitt va Anjelina Joli sakkiz yil davomida ajrim jarayonida sudlashgan. Bu vaqt ichida ular bir necha bor bir-birlarini ayblashgan va bolalar ustidan vasiylik uchun kurashgan. Jolining so‘zlariga ko‘ra, Pitt unga va bolalarga nisbatan shafqatsiz munosabatda bo‘lgan.
Shayloning qarorini uning barcha opa-ukalari qo‘llab-quvvatlamoqda. Masalan, Shayloning opasi Zahara 2023-yil oxirida kollejda ayollar jamiyati marosimida o‘zini “Zahara Marli Jolie” deb tanishtirilgan edi. Juftlikning yana bir qizi Viviyen ham 2024-yilda Brodveydagi “The Outsiders” spektaklida faqat Joli familiyasi bilan ishtirok etgan.
Izoh (0)