Bugungi kunda Gollivud faqat kino sohasi bilan cheklanib qolmayapti. Mashhurlar tobora ko‘proq mahsulotlar yaratishga e’tibor qaratmoqda va buning evaziga katta foyda ko‘rmoqda. Maqolada o‘z nomini millionlab, hatto milliardlab dollarlarga aylantirgan yulduzlar haqida so‘z boradi.
Heyli Biber yaqinda o‘zining Rhode nomli go‘zallik brendini e.l.f. Beauty kompaniyasiga sotdi. U shu orqali o‘z nomini daromad manbayiga aylantirgan mashhurlar safidan joy oldi. Endi Heyli kompaniyaning ijodiy yo‘nalishini boshqarishda davom etadi va strategik maslahatchi lavozimini egallaydi.
Kayli Jenner
2015-yilda Kayli Jenner orzu va oddiygina lab bo‘yoqlari to‘plami bilan Kylie Cosmetics nomli kompaniyasini tashkil etdi. Atigi to‘rt yil o‘tib, 2019-yilda u tarixdagi eng yosh “o‘z kuchi bilan boylikka erishgan” milliarder deb e’lon qilindi. Bu maqom uning oilaviy kelib chiqishi va realiti-shoulardagi faoliyati sababli katta bahs-munozaralarga sabab bo‘ldi. Ammo Jenner tanqidchilarga javoban shunday degan edi:
Men juda qattiq mehnat qilaman. Bunday natijani kutmagandim, lekin bu juda yoqimli, deydi u.
2019-yil oxirida Coty Inc. kompaniyasi Kaylining kompaniyasidagi 51% ulushni 600 million dollarga sotib oldi. Brendning umumiy qiymati esa 1,2 milliard dollar deb baholandi.
Riz Uizerspun
Gollivud aktrisasi Riz Uizerspun kosmetika yoki moda emas, balki ayollarning hikoyalariga e’tibor qaratdi. Uning Hello Sunshine nomli prodyuserlik kompaniyasi The Morning Show va Big Little Lies kabi mashhur loyihalarga asos solgan. 2021-yilda kompaniya Blackstone investitsiya fondiga 900 million dollarga sotilgan.
Uizerspun bu borada shunday degan edi:
Biz boshidanoq bir maqsadda birlashgan edik. Ayollar hikoyalarini o‘z og‘zidan ayta oladigan brend yaratishni istadik, deydi u.
Riz kompaniyadagi yetakchilik rolini saqlab qolgan. U hali ham kompaniyani yangi bosqichlarga olib chiqish niyatida.
Jessika Simpson
Bir vaqtlar Jessika Simpsonni jingalak sochlari, baland poshnali tuflilarga bo‘lgan qiziqishi va realiti-shoulardagi biroz sodda gaplari bilan yulduz sifatida tanishdi. Lekin bu joziba ortida ko‘p qirrali tadbirkor ayol yashardi.
2005-yilda u o‘zining kiyim-kechak kompaniyasini ishga tushirdi. Bir necha yil ichida uning kompaniyasi The Jessica Simpson Collection assortimentini sezilarli darajada kengaytirdi. Endi uning kolleksiyasida oyoq kiyim, sumka, ko‘zoynak, atir va uy uchun matolar ham paydo bo‘ldi. Brend tezda milliard dollarlik savdolarga erishdi va Amerika moda sanoatidagi eng muvaffaqiyatli yulduz loyihalaridan biriga aylandi.
2015-yilda kompaniya nazorati boshqa firmaga o‘tganida muvaffaqiyat asta-sekin pasaya boshladi. Shunda Jessika brendni o‘z qo‘liga qayta olishga qaror qildi.
Bu o‘zimning eng yaxsi investitsiyam, dedi Jessika.
Izoh (0)