Putin Tramp bilan bugun, shanba kuni telefon orqali suhbatlashdi va suhbat 50 daqiqa davom etdi.
Qayd etilishicha, yetakchilar o‘rtasidagi suhbat foydali bo‘lgan. Ular Yaqin Sharqdagi keskinlashgan vaziyatni muhokama qilgan. Rossiya yetakchisi Trampga bir kun avval Eron prezidenti va Isroil bosh vaziri bilan o‘tkazgan telefon suhbatlari haqida aytgan.
Putin Trampga Rossiyaning Eron yadroviy ma’lumotlari bo‘yicha o‘zaro maqbul kelishuvlarni topish haqidagi taklifini eslatdi. Tramp Yaqin Sharqdagi vaziyatni juda xavotirli deb baholadi. Prezidentlar Eron yadro dasturi bo‘yicha muzokaralar yo‘liga qaytishni istisno qilmadi.
Eron-Isroil mojarosi
13-iyunga o‘tar kechasi Isroil Eron yadro quroli yaratishga yaqinlashgani sababli yadroviy, harbiy obyektlar va yuqori martabali harbiylar joylashgan manzillarga hujum qildi.
Zarbalar oqibatida Islom inqilobi qo‘riqchilari korpusining bir necha rahbarlari va eronlik fizik-yadroshunoslar halok bo‘ldi. Ular orasida Korpus qo‘mondoni Husayn Salamiy, Eron Qurolli kuchlari bosh shtabi boshlig‘i Muhammad Baqeriy, IIQK “Xotam al-Anbiyo” bo‘linmasi qo‘mondoni G‘ulom Ali Rashid, shuningdek, olimlar Faridun Abbosiy Davoniy va Ozod Muhammad Mahdiy Tehronchiy bor. Jami 78 kishi halok bo‘ldi, 320 dan ortiq kishi jarohat oldi.
O‘sha kuni kechqurun Islom inqilobi qo‘riqchilari korpusi Isroilga qarshi “Haqiqiy va’da-3” javob operatsiyasi boshlanganini e’lon qildi. Eron Isroilga uch marta raketa zarbalari berdi, zarbalar bir nechta shaharlarda qayd etildi. 70 dan ortiq kishi jarohat oldi, bir ayol halok bo‘ldi. Shu paytda Tehronda yana portlashlar eshitildi.
Eron va AQSH aprel oyida yadroviy kelishuv bo‘yicha muzokaralarni qayta boshladi, besh raund o‘tkazildi. Ular asosan Ummon hududida va bilvosita tarzda bo‘lib o‘tdi. Eron yadro quroli yaratishga intilish haqidagi ayblovlarni rad etmoqda va kelishuv doirasida uranni boyitishdan voz kechmoqchi emas.
- “Isroil Eronning AQSH bilan muzokara olib borgan barcha vakillarini yo‘q qildi” — Tramp
- Eron yadro dasturi haqida nimalarni bilish muhim?
- “Xudo Isroilni yorlaqasin”. Eronga hujumni qo‘llab chiqqan AQSH senatorlari yahudiy lobbisidan qancha olgan?
- “Eron yadroviy kelishuv imkoniyatidan foydalanmadi” — Tramp
Izoh (0)