Eron AQSH bilan iqtisodiy sanksiyalarni bekor qilish evaziga yadroviy kelishuv imzolashga tayyorligini ma’lum qildi. Bu haqda Eron oliy rahnamosi maslahatchisi Ali Shamxoniy NBC News telekanaliga bergan intervyusida ma’lum qildi.
U Eron quyidagi majburiyatlarni o‘z zimmasiga olishini ma’lum qildi:
- hech qachon yadro qurolini ishlab chiqarmaslik;
- qurol sifatida ishlatilishi mumkin bo‘lgan yuqori darajada boyitilgan uran zaxiralaridan xalos bo‘lish;
- uranni faqat fuqarolik maqsadlarida foydalanish uchun past darajada boyitishga va xalqaro inspektorlarga jarayonni kuzatishga ruxsat berish.
Bu qadamlar barcha iqtisodiy sanksiyalarni zudlik bilan bekor qilish evaziga amalga oshirilishi aytilgan.
“Agar amerikaliklar o‘z so‘zlariga amal qilsa, munosabatlarimizni yaxshilashimiz mumkin. Shartlar bajarilsa hoziroq kelishuv imzolashga tayyormiz”, deya qo‘shimcha qilgan Ali Shamxoniy.
AQSH prezidenti Donald Tramp agar Eron yadroviy dasturini cheklamasa, iqtisodiy sanksiya joriy etish bilan tahdid qilgandi. Shamxoniy mazkur tahdidlardan hafsalasi pir bo‘lganini bildirgan.
Izoh (0)