O‘zbekiston Prezidenti Shavkat Mirziyoyev xorijiy davlatlar va hukumatlar, nufuzli xalqaro tashkilotlar va moliyaviy institutlar rahbarlari, taniqli siyosat va jamoat arboblariga O‘zbekiston mustaqilligining 29 yilligi munosabati bilan qutlovlar yo‘llagani uchun O‘zbekiston xalqi nomidan samimiy minnatdorlik bildirdi. Bu haqda Prezident matbuot xizmati xabar berdi.
Davlat rahbari O‘zbekistonda amalga oshirilayotgan keng miqyosli yangilanishlar va ijtimoiy-iqtisodiy islohotlarga berilgan yuksak baho va xayrixohlik, ikki tomonlama do‘stlik va ko‘p qirrali hamkorlik munosabatlarini yanada rivojlantirish va mustahkamlashga qaratayotgan e’tibori, shuningdek, koronavirus infeksiyasi tarqalishi oqibatlarini yengib o‘tishdagi samarali sheriklik uchun xorijiy hamkorlarga tashakkur aytdi.
O‘zbekiston xorijiy davlatlar va xalqaro tashkilotlar bilan uzoq muddatli aloqalarni kengaytirish, savdo, iqtisodiyot, investitsiyalar, innovatsiyalar, transport, turizm, fan, tibbiyot, ta’lim, madaniyat va boshqa ustuvor yo‘nalishlarda qo‘shma loyiha va dasturlarni ilgari surish, ko‘p tomonlama tuzilmalar doirasida global va mintaqaviy ahamiyatga molik dolzarb masalalar yuzasidan konstruktiv muloqotni davom ettirish uchun ochiq va tayyor ekani qayd etildi.
Qayd etilishicha, 2020-yilda 100 dan ziyod xorijiy mamlakatlar va xalqaro tashkilotlar rahbarlari O‘zbekiston Mustaqilligi kuni munosabati bilan o‘z qutlovlarini yo‘llagan. Ularning qatoridan quyidagilar o‘rin olgan:
- Birlashgan Millatlar Tashkiloti Bosh kotibi Antoniu Guterrish;
- Rossiya prezidenti Vladimir Putin;
- Xitoy Xalq Respublikasi raisi Si Szinpin;
- Amerika Qo‘shma Shtatlari prezidenti Donald Tramp;
- Qozog‘iston Respublikasi birinchi prezidenti — Elboshi Nursulton Nazarboyev;
- Qozog‘iston Respublikasi prezidenti Qosim-Jo‘mart To‘qayev;
- Turkmaniston prezidenti Gurbanguli Berdimuhamedov;
- Tojikiston respublikasi Prezidenti Emomali Rahmon;
- Qirg‘iziston prezidenti So‘ronboy Jeenbekov;
- Afg‘oniston prezidenti Ashraf G‘ani;
- Ozarbayjon prezidenti Ilhom Aliyev;
- Armaniston prezidenti Armen Sarkisyan;
- Armaniston bosh vaziri Nikol Pashinyan;
- Belarus prezidenti Aleksandr Lukashenko;
- Gruziya prezidenti Salome Zurabishvili;
- Moldova prezidenti Igor Dodon;
- Ukraina prezidenti Vladimir Zelenskiy;
- Turkiya prezidenti Rajab Toyyib Erdo‘g‘on;
- Janubiy Koreya prezidenti Mun Chje In;
- Yaponiya imperatori Naruxito;
- Hindiston prezidenti Ram Nath Kovind;
- Germaniya prezidenti Frank-Valter Shtaynmayer;
- Fransiya prezidenti Emmanuel Makron;
- Italiya prezidenti Serjo Mattarella;
- Buyuk Britaniya va Shimoliy Irlandiya qirolichasi Yelizaveta II;
- Belgiyaliklar qiroli Filipp;
- Ispaniya qiroli Felipe VI;
- Niderlandiya qiroli Villem-Aleksandr;
- Shvetsiya qiroli Karl XVI Gustaf;
- Avstriya prezidenti Aleksandr van der Bellen;
- Bolgariya prezidenti Rumen Radev;
- Vengriya prezidenti Yanosh Ader;
- Gretsiya prezidenti Katerina Sakellaropulu;
- Latviya prezidenti Egils Levits;
- Polsha prezidenti Anjey Duda;
- Ruminiya prezidenti Klaus Verner Yoxannis;
- Serbiya prezidenti Aleksandr Vuchich;
- Slovakiya prezidenti Zuzana Chaputova;
- Finlyandiya prezidenti Sauli Niynistyo;
- Chexiya prezidenti Milosh Zeman;
- Shveysariya prezidenti Simonetta Sommaruga;
- Estoniya prezidenti Kersti Kalyulayd;
- Rim-katolik cherkovi rahbari Fransisk;
- Saudiya Arabistoni podshohi Salmon ibn Abdulaziz Ol Saud;
- Saudiya Arabistoni podshohligi valiahdi, bosh vaziri o‘rinbosari, mudofaa vaziri Muhammad ibn Salmon Ol Saud;
- Birlashgan Arab Amirliklari prezidenti Xalifa bin Zoid Ol Nahayon;
- BAA Qurolli kuchlari Oliy bosh qo‘mondoni o‘rinbosari, Abu-Dabi amirligi valiahdi Muhammad bin Zoid Ol Nahayon;
- BAA vitse-prezidenti, bosh vaziri, Dubay amirligi hokimi Muhammad bin Roshid Ol Maktum;
- Misr prezidenti Abdulfattoh as-Sisi;
- Eron prezidenti Hasan Ruhoniy;
- Pokiston prezidenti Orif Alviy;
- Pokiston bosh vaziri Imron Xon;
- Jazoir prezidenti Abdulmajid Tabbun;
- Bangladesh prezidenti Abdul Hamid;
- Bangladesh bosh vaziri Shayx Hasina;
- Shri-Lanka prezidenti Gotabaya Rajapaksa;
- Ummon sultoni Haysam bin Toriq;
- Bahrayn podshohi Hamad ibn Iso Al Xalifa;
- Iordaniya podshohi Abdalla II;
- Kuvayt valiahdi Navaf al-Ahmad al-Jobir as-Saboh;
- Isroil prezideni Reuven Rivlin;
- Falastin prezidenti Mahmud Abbos;
- Avstraliya general-gubernatori Devid Xyorli;
- Indoneziya prezidenti Joko Vidodo;
- Malayziya podshohi Sulton Abdulloh Ri’yatuddin Al-Mustafo BILLOH;
- Malayziya bosh vaziri Tan Sri Muhyiddin Yassin;
- Singapur prezidenti Halima Yaqub;
- Filippin prezidenti Rodrigo Duterte;
- Bruney Dorussalom sultoni Hassanal Bolkiyax;
- Laos prezidenti Bunnyang Vorachit;
- Myanma prezidenti Vin Min;
- Nepal prezidenti Bidxya Devi Bxandari;
- Maldiv prezidenti Ibrohim Muhammad Solih;
- Kuba prezidenti Migel Dias-Kanel Bermudes;
- Nikaragua prezidenti Xose Daniyel Ortega Saavedra;
- Yamayka bosh vaziri Endryu Maykl Xolness;
- BMT Oziq-ovqat va qishloq xo‘jaligi tashkiloti (FAO) bosh direktori Syuy Dunyuy;
- Jahon sayyohlik tashkiloti bosh kotibi Zurab Pololikashvili;
- Jahon bojxona tashkiloti bosh kotibi Kunio Mikuriya;
- Islom hamkorligi tashkiloti bosh kotibi Yusuf al Usaymin;
- Ta’lim, fan va madaniyat masalalari bo‘yicha Islom tashkiloti bosh direktori Salim al-Malik;
- Turkiy tilli davlatlar hamkorlik kengashi bosh kotibi Bag‘dat Amreyev;
- MDH Ijroiya qo‘mitasi raisi — Ijrochi kotibi Sergey Lebedev;
- Qishloq xo‘jaligini rivojlantirish xalqaro jamg‘armasi prezidenti Jilber Ungbo va boshqalar.
Izoh (0)