AQSH prezidenti Donald Tramp Eronning yadroviy kelishuv imkoniyatidan foydalanmaganini ma’lum qildi. U bu haqda o‘zining Truth Social ijtimoiy tarmog‘idagi sahifasida yozdi.
Oq uy rahbari Eronning qat’iy tashqi siyosat tarafdorlari bu masalada uzoqni ko‘ra bilmaganliklarini ta’kidladi. Bitimdan voz kechish oqibatlari Eron uchun kutganidan ham og‘irroq bo‘lishini aytdi.
“Men Eronga bitim tuzish uchun imkoniyat berdim. Ularga eng kuchli so‘zlar bilan ‘shunchaki buni bajaring’ dedim, ammo ular qanchalik harakat qilishmasin, qanchalik yaqin kelishmasin, buni uddalay olishmadi. Men ularga bu ular bilgan, kutgan yoki eshitganidan ham yomonroq bo‘lishini, Amerika Qo‘shma Shtatlari dunyodagi eng zo‘r harbiy texnikani ishlab chiqarayotganini, Isroilda bunday qurollar ko‘pligini va yanada ko‘payishini hamda ulardan foydalanishni bilishlarini aytdim. Ba’zi eronlik qattiq pozitsiyali kishilar jasorat bilan gapirdi, lekin ular nima yuz berishini bilmas edi. Ularning hammasi allaqachon o‘lib bo‘lgan, va ahvol yanada yomonlashadi!”, deb ta’kidladi Tramp.
AQSH prezidenti Eron mojaro yangi bosqichga o‘tmasidan oldin kelishuv tuzishi lozimligini uqtirdi.
“Ko‘plab o‘limlar va vayronagarchiliklar sodir bo‘lgan bo‘lsa-da, bu qirg‘inni to‘xtatish uchun hali imkoniyat bor. Ammo rejalashtirilgan keyingi hujumlar yanada shafqatsizroq bo‘lishi mumkin. Eron hech narsa qolmaguncha kelishuv tuzishi va bir paytlar Eron imperiyasi deb atalgan narsani saqlab qolishi lozim. Boshqa o‘limlar va vayronagarchiliklar bo‘lmasin, Juda kech bo‘lmasidan buni amalga oshiring. Parvardigor barchangizni o‘z panohida asrasin! Boshqa o‘lim va vayronagarchiliklar bo‘lmasligi uchun kech bo‘lmasidan oldin shunday qiling”, deya yakunladi u.
AQSH prezidenti Donald Tramp 13-iyunga o‘tar kechasi Isroil harbiy samolyotlari Eronga hujum qilishidan bir necha soat oldin huddi shu vaziyatdan qochishga umid qilganini aytilgandi.
13-iyunga o‘tar kechasi Isroil rejimi Eronga yirik havo hujumi uyushtirdi. Unda ko‘plab tinch aholi, askarlar, harbiy rahbarlar va olimlar halok bo‘lgan. Isroil harbiylari Eronga qarshi “oldindan ogohlantiruvchi” harbiy zarbalar boshlanganini tasdiqlab, zarbalar Tehronning yadroviy obyektlariga, o‘nlab nishonlarga berilganini aytgan.
Izoh (0)